Sen'sible..

தஞ்சாவூர் மாலைகள்_v0303.11

2011-03-03T11:30:00.005+05:30

ஹலோ நண்பர்களே.. அனைவரும் சுகம் தானே??

கிரிக்கெட் உலகக் கோப்பை ஒரு பக்கம் பரபரப்பு செய்திட்டிருந்தாலும், இந்த வாரம் அரசியல் பரபரப்புகளுக்கு பஞ்சமே இல்லை.. தமிழக சட்டமன்ற தேர்தல் தேதியை அறிவிச்சிருக்காங்க.. தேர்தல் ஏப்ரல் 13ம் தேதி.. ஆனா வாக்கு எண்ணிக்கை மே 13ம் தேதி.. ஒரு முழு மாசம் நம்ம தேர்தல் ஆணையம் என்ன செய்யப்போகுது??? அதுக்கு அவங்க சொல்லற காரணம், மேற்கு வங்க தேர்தல் மே 10ம் தேதி தான் முடியுதாம்.. இங்க தமிழ்நாட்டுல கொட்டாம்பட்டியில நம்ம பெருசு முனுசாமி போடப்போற ஓட்டு, கல்கத்தாவில இருக்கற ஏதோ ஒரு பானர்ஜி போடப்போற ஓட்டை பாதிக்குமாம்.. என்ன கொடுமை சார் இது??? இது எப்படி இருக்குன்னா, சமீபத்தில் வெளியான பாஸ் (எ) பாஸ்கரன் படத்துல ஆர்யாவோட அண்ணனுக்கு கல்யாணம் முடிஞ்சிடும், ஆனா முதலிரவு நாலு நாள் கழிச்சி நடக்குமே அது போல இருக்கு.. படத்துல அது காமெடியா இருக்கும், ஆனா சட்டமன்ற தேர்தல்ல இப்படி காலம் தாழ்த்தி முடிவுகள் வெளியிடுவது சரியாவருமா????

()--((-------------------))--()

தமிழக சட்டமன்ற தேர்தல் தேதி 13-4-2011.. பொதுவா 13ம் நம்பர் ராசியில்லாததுன்னு சொல்லுவாங்க.. தேர்தல் கமிஷன் இந்த தேதி அறிவிச்சதுல ஏதாவது உள்குத்து இருக்குமோ???

ஆனா, நியூமராலஜி படி, ஒரு தேதியின் கூட்டுத்தொகையை வைத்துதான் பலன் சொல்லுவாங்க.. அப்படி பார்த்தா, 1+3+4+2+0+1+1=1+2=3 அடடே.. 3 வருதே.. 3 யாருக்கோ பிறந்த எண்ணாச்சே... ஒரு வேளை தேர்தல் கமிஷன் தெரிந்தே தான் இந்த தேதி வச்சியிருக்கோ... (நாராயணா.. நாராயணா..)

()--((-------------------))--()

வேலியே பயிரை மேயறது நம்ம நாட்டுல ரொம்ப சகஜமா போச்சி.. அதைக் குற்றமுன்னு சொன்னா, சொல்லறவனை அந்நியமா பார்க்கற மனோநிலைக்கு இன்னைக்கு நாம் வந்துட்டோம்.. இப்படி தான் சென்ற வாரம், மிக அதிகமான நெருக்கடியுள்ள கே.கே.நகர் தொலைபேசி நிலையம் அருகில் ஒரு போலீஸ்காரர்.. அதுவும் டிராபிக் போலீஸ்காரர் வண்டியோட்டிகிட்டே தன் மொபைல் போணில் பேசிட்டுப் போறார்.. ஒரு வேளை அடுத்த உதயம் தியேட்டர் சிக்னலில் யாரையாவது மடக்கி பிடிக்க அங்கிருப்பவர்கிட்ட சொல்லிட்டு போயிட்டிருப்பாரோ??? (அட, கட்டிங் வாங்க தான்.. நீங்க வேறெதுக்கோன்னு நினைச்சா நான் பொறுப்பில்லை)

()--((-------------------))--()

கடந்த வாரம் வியக்கவைக்கும் அவுட்கள் வீடியோவில கபில் தேவ், பீட்டர் கிரிஸ்டினை ரன் அவுட் செய்யறது சரியாத் தெரியல.. அது எப்படின்னு புரியலன்னு கவிதா கேட்டிருந்தாங்க.. அவங்களுக்காக அந்த அவுட்டின் எக்ஸ்க்லூஸிவ் வீடியோ..

பவுலர் பந்து வீச வரும் போது நான் ஸ்ட்ரைக்கர் (ரன்னர்) தனது கிரீஸைவிட்டு வெளியே சென்று, அப்போது பவுலர் பந்து வீசாமல் ரன்னரை அவுட் செய்வது.. இதுக்கு பேர் மன்கட் (Mankad) அவுட்.. இதுக்கு ஏன் இந்த பேர் வந்திச்சின்னா.. முதன்முதலில் நம்ம விநோ மன்கட் (Vinoo Mankad) தான் 1947ல் ஆஸி அணிக்கெதிரா இப்படி அவுட் செய்ய ஆரம்பிச்சார்.. முதல் மன்கட் அவுட்டான வீரர் “பில் பிரவுன்”

()--((-------------------))--()

::வரலாறு முக்கியம் அமைச்சரே::

1923 - Time இதழ் முதன்முறையாக வெளியிடப்பட்டது..

1938 - சவுதி அரேபியாவில் எண்ணை வளம் இருப்பதாகக் கண்டுபிடிக்கப்பட்டது..

1839 - டாடா குழுமத்தின் நிறுவனர் திரு.ஜம்செட்ஜி டாடா பிறந்த நாள்..

1847 - அலெக்ஸாண்டர் கிரஹாம் பெல், பிறந்த நாள்..

1970 - பாக் கிரிக்கெட் முன்னாள் கேப்டன், இன்சமாம் உல் ஹக் பிறந்த நாள்..

1707 - முகலாய மன்னன், அவுரங்கசீப் இறந்த நாள்..

இப்போதைக்கு அம்புட்டு தான்.. நல்லதே நினைப்போம்.. நல்லதே நடக்கும்..

மீண்டும் சந்திப்போம்.. வரட்டா...

(பிடிச்சிருந்தா 4 வார்த்தை சொல்லிட்டு போங்க.. பிடிக்காட்டி 4 வார்த்தை திட்டிட்டு போங்க.. ஆனா ஒன்னுமே சொல்லாம போகாதீங்க..)

அன்புடன்,

ஹாட்-ட்ரிக் சாதணை !!

2011-03-02T11:30:00.004+05:30

::ஹாட்-ட்ரிக் (Hat Trick)::

விளையாட்டில் ஒரு வீரர் அடுத்தடுத்து மூன்று முறை குறிப்பிட்ட சாதணையை நிகழ்த்துவது..

::தோற்றம்::

முதன்முதலில் “ஹாட்-ட்ரிக்” என்ற சொல் 1940ல் தான் வழக்குக்கு வந்தது. முதன்முதலில் NHL என்றழைக்கப்படும் ஐஸ் ஹாக்கியில் தான் பயன்படுத்தப்பட்டது என்றால்

வியப்பாக இருக்கு.. 1940ல் கனடா நாட்டின் “சாமி டாஃப்ட்” ஒரு பெரும்புள்ளி.. ஐஸ் ஹாக்கி போட்டியில் ஒரே மேட்சில் 3 கோல் அடிக்கும் வீரருக்கு தனது ஹாட், அதாவது தொப்பி, பரிசளிப்பதாக அறிவித்தார்.. “அலெக்ஸ் கலேட்டா” என்ற வீரர் தான் முதல் ஹாட்-ட்ரிக் கோல் அடித்தவர். டாஃப்ட் தான் அறிவித்தபடி கலேட்டாவுக்கு தனது ஹாட்டைப் பரிசளித்தார்.. அது முதல், ஐஸ் ஹாக்கியில் ஒரே போட்டியில் 3 கோல் அடிக்கும் வீரருக்கு பார்வையாளர்கள் தங்கள் தொப்பியை ஐஸின் மேல் தூக்கி போட ஆரம்பித்தனர்.. அன்றைய காலங்களில் தொப்பி என்பது ஒரு கவுரவமான ஒரு சின்னமாக கருதப்பட்டது.. ஒருவர் தனது தொப்பியை மற்றவருக்காகக் கழற்றினார் என்றால் அது அவருக்கு செய்யும் மரியாதையாக கருதப்பட்ட காலம்.. நம்ம சினிமாவிலும் நாம் இதனைப் பார்த்திருக்கிறோம்.. ஒருவர் இறந்தப்பின்னர் அங்கே வரும் போலீஸ் தனது தொப்பியைக் கழற்றி மரியாதை செய்வார்கள் (எல்லாம் முடிஞ்ச பிறகு தானே நம்ம போலீஸ் வரும்ன்னு யாரும் பேசப்படாது).. ஆக “ஹாட்-ட்ரிக்” என்பது வீரர்கள் ரசிகர்களின் அபிமானத்தைப் பெற வீரர்களால் செய்யப்பட்ட ட்ரிக். பின்னர் “ஹாட்-ட்ரிக்” வேறு விளையாட்டுகளிலும் பயன்படுத்த ஆரம்பித்தனர்..

::கிரிக்கெட் ஹாட்-ட்ரிக்::

இன்று “ஹாட்-ட்ரிக்” கிரிக்கெட் போட்டிகளில் மிகப் பிரபலமாக, வீரர்களால் பெருமையான சாதணையாக பார்க்கப்படுகிறது.. கிரிக்கெட்டில் ஒரு பந்து வீச்சாளர் அடுத்தடுத்த பந்துகளில் 3 விக்கெட் எடுப்பது “ஹாட்-ட்ரிக்” சாதணை என அழைக்கப்படுகிறது..

அடுத்தடுத்த பந்துகளில் என்பது ஒரே ஓவரிலும் இருக்கலாம், அந்த வீரரின் அடுத்த ஓவரிலில் முடியலாம்.

1988 டிச 2ம் தேதி, ஆஸி அணியின் வேகப்பந்து வீச்சாளர்

“மெர்வ் ஹூக்ஸ்” மே.தீவுகளுக்கு எதிராக ஒரு வித்தியாசமான முறையில் ஹாட்-ட்ரிக் சாதணைப் படைத்தார்.. அவர் செய்தது, ஒரு ஓவரின் கடைசி பந்தில் “ஆம்புரோஸ்” விக்கெட்டை வீழ்த்தினார்.. அவரது அடுத்த ஓவரின் முதல் பந்தில் “வால்ஷ்” விக்கெட்டை வீழ்த்தினார்.. அத்துடன் மே.தீவுகளின் இன்னிங்ஸ் முடிந்தது.. மே.தீவுகளின் இரண்டாவது இன்னிங்ஸில் மீண்டும் ஹூக்ஸ் தனது முதல் பந்தில் “க்ரீனிட்ஜ்” விக்கெட்டை வீழ்த்தினார்.. ஆக, அது ஒரு ஹாட்-ட்ரிக் சாதணை.. இது போல ஒரு வித்தியாசமான சாதணையை இதுவரை யாருமே செய்ததில்லை..

இலங்கை அணியைச் சேர்ந்த “லாசித் மலிங்கா” தொடர்ச்சியா 4 விக்கெட் எடுத்து பரபரப்பைக்கிளப்பினார்.. 2007 உலகக் கோப்பைப் போட்டியில் தெ.ஆப் க்கு எதிரான ஆட்டத்தில தான் இந்த சாதணை.. விக்கெட்டை பறிகொடுத்த வீரர்கள் ஒன்னும் சாமாணியர்கள் இல்லை.. ஷான் பொல்லாக், ஆண்ட்ரூ ஹால், ஜாக் காலீஸ் மற்றும் மக்காயா நிட்டினி.. இது போல 4 பந்துல 4 விக்கெட் வீழ்த்தியது இவர் மட்டும் தான்..

::ஒரு நாள் போட்டி::

ஒரு நாள் போட்டிகளில் இதுவரை 28 முறை ஹாட்-ட்ரிக் செய்திருக்காங்க.. அதுல பாக். வீரர்கள் “வாசிம் அக்ரம்” , “சாக்குலின் முஷ்டாக்” மற்றும் இலங்கை வீரர் “சாமிந்த வாஸ்” மற்றும் “லாசித் மலிங்கா” ஆகிய 4 பேரும் 2 முறை ஹாட்-ட்ரிக் சாதணை படைச்சியிருக்காங்க..

:: டெஸ்ட் போட்டி::

டெஸ்ட் போட்டியில இதுவரை 38 முறை ஹாட்-ட்ரிக் சாதனை நிகழ்த்தப்பட்டிருக்கு.. டெஸ்ட் போட்டியின் ஹாட்-ட்ரிக்கில் கொஞ்சம் சுவாரசியமான விஷயங்கள் இருக்கு..

1912ல் ஆஸி வீரர் “ஜிம்மி மாத்யூஸ்” தெ.ஆப் க்கு எதிரா 2 இன்னிங்ஸிலும் ஹாட்-ட்ரிக் எடுத்தார்.. இதுல இன்னும் விசேஷம் என்னன்னா, இரண்டுமே ஒரே நாள்: மே 28, 1912
ஆஸி வீரர் “ஹூக் ட்ரம்பில்”, “ஜிம்மி மாத்யூஸ்” மற்றும் பாக் வீரர் “வாசிம் அக்ரம்” ஆகிய 3 பேரும் இரண்டு முறை ஹாட்-ட்ரிக் செய்திருக்கிறாங்க..

பாக் வீரர்கள் “மொகமத் சாமி” மற்றும் “வாசிம் அக்ரம்” ஆகிய 2 பேர் மட்டுமே டெஸ்ட் மற்றும் ஒரு நாள் போட்டிகளில் ஹாட்-ட்ரிக் செய்தவர்கள்..
இதுல “வாசிம் அக்ரம்” மட்டுமே டெஸ்டில் 2 முறை, ஒரு நாள் போட்டியில் 2 முறை ஹாட்-ட்ரிக் செய்தவர்..
பாக் வீரர்கள் எடுத்த ஹாட்-ட்ரிக் எல்லாமே இலங்கை அணிக்கு எதிராக..
நம்ம பையன் “இர்ஃபான் பதான்” மட்டுமே ஆட்டத்தின் முதல் ஓவரிலேயே ஹாட்-ட்ரிக் செய்தவர்.. சூப்பரில்ல...

உலகக் கோப்பையில் ஹாட்-ட்ரிக்::

உலகக் கோப்பைப் போட்டிகள்ல இதுவரை 6 முறை மட்டுமே ஹாட்-ட்ரிக் சாதணை செய்திருக்காங்க.. முதல்ல ஆரம்பிச்சி வச்சது நம்ம பையன் “சேட்டன் ஷர்மா” தான்.. நியூ. அணிக்கெதிரா 1987ல் இதைச் செய்தார்..

பாக் வீரர் “சாக்குலின் முஷ்டாக்” 1999ல் நடந்த உலகக் கோப்பைப் போடியில ஜிம்பாப்வே அணிக்கெதிரா ஹாட்-ட்ரிக் செய்தார்..

2003ல் தெ.ஆப்ரிக்காவில நடந்த உலகக் கோப்பையில இலங்கை வீரர் “சமிந்தா வாஸ்” மற்றும் ஆஸி வீரர் “பிரட் லீ” இருவரும் ஹாட்-ட்ரிக் சாதணை செய்தனர்.. இதில் பிரட் லீ வீழ்த்திய / வீசிய 3 பந்துகளும் இன்னிங்ஸின் முதல் 3 பந்துகள் என்பது குறிப்பிடத் தக்கது.. சமிந்தா வாஸ் வீழ்த்திய / வீசிய 3 பந்துகளும் ஆட்டத்தின் முதல் 3 பந்துகள்.. இத்தகைய சிறப்பு இவர்களுக்கு மட்டுமே..

பின்னர் 2007ல் நடந்த உலகக் கோப்பை போட்டியில தான் இலங்கை வீரர் லாசித் மலிங்காவோட 4 பந்து 4 விக்கெட் ருத்ரதாண்டவம் அறங்கேறியது..

நேற்று முன்தினம் (பிப் 28,2011) நடந்த போட்டியில மே.தீ வீரர் “கேமர் ரோச்” நெதர்லாந்து அணிக்கெதிரா ஹாட்-ட்ரிக் செய்திருக்கிறார்..

நேற்று (மார்ச் 01,2011) நடந்த கென்யாவிற்கு எதிரான போட்டியில் இலங்கை வீரர் “லாசித் மலிங்கா” 6 விக்கெட் வீழ்த்தினார்.. அதில் ஒரு ஹாட்-ட்ரிக்.. தனது 6வது ஓவரின் கடைசி பந்திலும் 7வது ஓவரின் முதல் 2 பந்துகளிலும் இது நிகழ்த்தப்பட்டது.. இதன் மூலம் உலகக் கோப்பையில் இரு முறை ஹாட்-ட்ரிக் செய்த முதல் வீரர் என்ற பெருமையைத் தட்டிச்செல்கிறார் மலிங்கா.. வாழ்த்துக்கள்..

“ஹாட்-ட்ரிக்” சாதணை முதலில் ஐஸ் ஹாக்கியில ஆரம்பிச்சாலும் இன்று அதிகமா பேசப்படறது கிரிக்கெட்டில தான்.. இன்னும் சொல்ல போனா, இன்றைக்கு எதை 3 முறை செய்தாலும் ஹாட்-ட்ரிக்ன்னு சொல்ல ஆரம்பிச்சிட்டோம்.. அதுல பாருங்க நிறைய பேர்

எப்போதுமே நம்ம ஆளுங்க செய்யற சாதணையே தனி தான.. ஜாகீர் கான் பந்து வீச்சில் நம்ம வீரர்கள் செய்த ஹாட்-ட்ரிக்கைப் பாருங்க..

இப்படியெல்லாம் ஹாட்-ட்ரிக் செய்ய நம்ம வீரர்களைவிட்டா வேறு ஆளே இருக்க மாட்டாங்க..

நன்றி: விக்கிபீடியா & யூடியூப்

and its a tie...

2011-02-28T11:30:00.006+05:30

கிரிக்கெட் நம்ம நாட்டில் ஒரு மதமாகவே மாறி ரொம்ப நாளாச்சி..

இந்திய அணி என்னைக்குமே சுலபமா வெல்லக்கூடிய ஒரு மேட்சையும் ஒரு த்ரில் குடுக்காம வெற்றிபெறாது.. டிவியில பார்த்தாலும் சரி, நேரில் ஸ்டேடியம் போய் பார்த்தாலும் சரி, சேர் நுணியில நம்ம உட்கார வைக்காம ஒரு மேட்சை முடிக்க மாட்டாங்க..

நேற்றும் அப்படியே.. சரி இவங்க இப்படி தான்.. கடைசில ஜெயிச்சிடுவாங்கன்னு பார்த்தா.. ரொம்ப சிறப்பா ஆடி கடைசி பந்துல ரன் எடுக்காம கட்டுக்கோப்பா விளையாடி சமன் செய்துட்டாங்க..

டோனி பேசும் போது.. “ஸ்ஸ்ப்ப்ப்ப்பா” ந்னு ஒரு நிம்மதி தெரிஞ்சது.. (என்ன கொடுமை சார் இது.. ஜெயிக்க வேண்டிய ஸ்கோர்.. தோற்க வேண்டிய மேட்ச்)

சரி..

ஒரு மேட்ச் டை ஆகுதுன்னா என்னா??? இரு அணிகளும் சமமான ரன்கள் எடுப்பது.. இரண்டாவதா பேட் செய்யும் அணி, முதலணி எடுத்த ரன்களையே எடுத்து அனைத்து விக்கெட்களையும் இழப்பது (அ) அனைத்து பந்துகளையும் முடிப்பது..

நேற்று டையில் முடிந்த இந்தியா - இங்கிலாந்து போட்டி கிரிக்கெட் வரலாற்றில் டை ஆன 24ஆவது போட்டி..

1971ல் முதல் ஒரு நாள் போட்டிகள் ஆரம்பித்தது.. ஆரம்பித்து சுமார் 13 ஆண்டுகளுக்கு பின் 1984ல் மே.தீ. - ஆஸி அணிகள் மோதிய 247வது ஒரு நாள் போட்டி தான் முதன்முதலில் டையில் முடிந்த போட்டி..

டையில் முடிந்த முதல் ஒரு நாள் போட்டி

மீண்டும் ஆஸி அணி இங்கிலாந்து அணியுடன் 1989ல் மோதிய போட்டி டையில் முடித்தது.. அந்த போட்டி 567வது ஒரு நாள் போட்டி.. அதற்கப்பறம் கடந்த 22 ஆண்டுகளில் 22 ஒரு நாள் போட்டிகள் டையில் முடிஞ்சியிருக்கு.. பங்களாதேஷைத் தவிர எல்லா அணிகளும் டை ஆன போட்டிகளில் விளையாடியிருக்கு.. எல்லாத்துலயும் மல்லுக்கு நிக்கிற ஆஸி அணி இதுவரை 8 போட்டிகளை டை செய்திருக்கு (இதுல 3 போட்டிகள் தெ.ஆப் வுடன்).. இந்தியா இது வரை 4 போட்டிகள் டை செய்திருக்கு..

நன்றி: விக்கிபீடியா, யூ டியூப்

தஞ்சாவூர் மாலைகள்_v2402.11

2011-02-24T23:22:00.001+05:30

மக்களே.. எல்லாரும் நல்லாயிருக்கீங்களா.. சென்ற வாரம் மிக இனிமையாக கடந்தது..

நண்பர் சஞ்சய் திருமணத்திற்காக சென்னை - தர்மபுரி - மொரப்பூர் - தர்மபுரி - சென்னை டிரிப் இன்னும் சில மாதங்களுக்கு மகிழ்வோடு அசைபோடும் டிரிப்பாக அமைந்தது.. நிறைய பதிவர்களை சந்திக்க வாய்ப்பாக அமைந்தது.. குறிப்பாக, எழுத்தில் மட்டுமே ரசித்துவந்த அண்ணன் ஜாக்கி சேகரைச் சந்தித்தேன்..

:: திருமண கொண்டாட்டத்தில் செவிக்கினிமையான இரு வாசனங்கள் ::

யோவ்.. எழுதும்போது தான் எல்லாருக்கும் ஸ்பெல்லிங் மிஸ்டேக் வரும்.. உனக்கு மட்டும் தான்யா பேசும்போதே ஸ்பெல்லிங் மிஸ்டேக் வரும்..
டேய்.. டேய்.. டேய்.. ஸ்பீட் பிரேக்கர் வந்தா, பிரேக்க அமுக்கு.. ஹாரனை அமுக்காத.. அது நகராது..

யாரு பேசினதுன்னேல்லாம் கேட்கப்படாது..

:: சந்தித்த சில பிரபலங்கள் ::

நபீஷா; நிலா; ஜெயஸ்ரீ; ஆதர்ஷ்; மேகா; மீரா

நண்பர் சஞ்சய் – இந்துமதி தம்பதியினருக்கு என் வாழ்த்துக்கள் & நன்றிகள்..

()--((-------------------))--()

:: கிரிக்கெட் ஃபீவர் ::

கிரிக்கெட்டில் அவுட்டாவதற்கு எத்தனை வழிகள் இருக்குன்னு சொல்லுங்க பார்க்கலாம்??? (விடை கடைசியில்) அட இப்படியெல்லாமா அவுட்டாவாய்ங்க என வியக்கவைக்கும் டாப் 5 அவுட்கள்..

இதுல கடைசியில ஷேர்ன்வார்னே பந்துவீசி ஒருத்தரை அவுட்டாக்குறார் பாருங்க.. அந்த பந்து சுமார் 2.5அடி திரும்பி ஸ்டம்ப்பை சாய்க்கிறது.. ஷேர்ன் வார்னே வீசிய அந்த குறிப்பிட்ட பந்து ”Ball of the millennium” என்றும் “The Ball” என்று போற்றப்படுகிறது..

()--((-------------------))--()

:: பஸ் தினம் ::

வர வர நம்ம பசங்களுக்கு எதுயெதுக்கு தினம் கொண்டாடுறதுன்னு விவஸ்தையே இல்லாம போச்சி.. இப்பல்லாம் வருடந்தோறும் பஸ் தினம் கொண்டாடறாங்க.. வருடம் முழுசும் அந்த நடத்துனரையும் ஓட்டுனரையும் பாடாபடித்திட்டு எடுக்க வேண்டியது.. பஸ் தினமுன்னு சொல்லி கூத்தடிக்கிறாங்களே அன்னைக்கு ஒரு நாள் மட்டும் அவங்களை நிம்மதியா விடுறாங்களான்னா, அதுவும் இல்லை.. பஸ்ஸுக்கு மாலையெல்லாம் போட்டு, தோறணமெல்லாம் கட்டி, இனிப்புகள் எல்லாம் குடுத்து பின்னர் தான் அவங்க அட்டகாசங்கள் அரங்கேறும்.. வெட்டபோற ஆட்டுக்கு மஞ்சள் தெளிச்சி மாலையெல்லாம் போட்டு கூட்டிட்டு போறது போல.. எங்கயிருந்து இத கண்டுபிடிச்சாங்களோ தெரியல.. நேற்று பச்சையப்பன் கல்லூரி பஸ் தின கொண்டாட்டம் பலருக்கு திண்டாட்டமா முடிஞ்சிருக்கு.. 300மாணவர்கள் மேல போலீஸ் வழக்கு பதிவு செய்திருக்கு.. என்ன கொடுமைங்க.. டியூப் லைட்டெல்லாம் பயன் படுத்தி சண்டை போட்டிறுக்காங்க.. ஒன்னும் சொல்லறதுக்கில்லை..

()--((-------------------))--()

:: இன்று நாள் இப்படி ::

செல்வி. ஜெயலலிதா (1948) பிறந்தது இன்று தான்..
இன்று உலகில் அனேகம் பேர் பயன்படுத்தும் / ஆசைப்படும் iPod, iPhone, Mac.. இதனை நமக்காக கனவு கண்டு தயாரிக்கும் Apple நிறுவனத்தின் நிறுவனர் ஸ்டீவ் ஜாப்ஸ் பிறந்தது 24 பிப், 1955.

()--((-------------------))--()

::நண்பர் சொன்ன குட்டி கதை::

ஒரு வீட்டுல இரண்டு ரூம் இருந்துச்சாம்.. ஒவ்வொரு ரூம்லவும் ஒரு டேபிள் நிறைய சாப்பாடு இருக்குமாம்.. இரண்டு ரூம்லயும் சாப்பிடறதுக்கு வச்சிருந்த ஸ்பூன் ரொம்ப நீளம்.. அந்த ஸ்பூனால தான் சாப்பிடனும்.. அது தான் கண்டிஷன்.. உள்ள போனவங்க யாராலயும் எடுத்து சாப்பிடவே முடியல..

முதல் ரூம்ல இருந்தவங்க கொஞ்சம் யோசிச்சி ஒரு வழி கண்டுபிடிச்சாங்க.. அதன்படி, ஒருத்தர் ஸ்பூன்ல சாப்பாட்டையெடுத்து எதிர்ல இருக்கறவருக்கு ஊட்டிவிடுவார்.. அதே போல அவரும் இவருக்கு ஊட்டிவிடுவார்.. இப்படியே முதல் ரூமில் இருந்தவங்க எல்லாரும் சாப்பிட்டு முடிச்சாங்க..

இரண்டாவது ரூமில் இருந்தவங்க யாரும் விட்டுக்கொடுக்கும் எண்ணமில்லாம, அந்த பெரிய ஸ்பூனால எடுத்து அவங்களே சாப்பிட முயன்றபடியே சாப்பாட்டைக் கீழ மேல சிந்தறாங்களே தவிற யாருமே சாப்பிடல..

அந்த முதல் ரூம் தான் சொற்கம்.. இரண்டாவது ரூம் தான் நரகம்..

நமக்கு வேண்டியது எல்லாம் நம்மைச் சுத்தியே இருக்கு.. நாம எடுத்துகற விதத்தில் தான் அது நமக்கு நல்லதா கெட்டதான்னு முடிவு செய்யப்படுகிறது..

நல்லதே நினைப்போம்.. நல்லதே நடக்கும்..

மீண்டும் சந்திப்போம்.. வரட்டா...

அன்புடன்,

தஞ்சாவூர் மாலைகள்_கிரிக்கெட் ஸ்பெஷல்

2011-02-17T11:15:00.000+05:30

நாட்டுல என்னன்னமோ நடக்குது.. நடக்கறது நடந்துட்டு போகட்டும்.. நாம நம்ம வேலையப் பார்ப்போம் - ஒழுங்கா..

இந்த வாரம் கிரிக்கெட் திருவிழா ஆரம்பம்..

So... இந்த வாரம் நமக்கும் கிரிக்கெட் ஸ்பெஷல்.. சில ஆச்சர்யமான வியப்பான கிரிக்கெட் தகவல்கள்..

1975ல் ஆரம்பித்த முதல் கிரிக்கெட் உலகக் கோப்பை முதல் 1999ல் நடைபெற்ற போட்டி வரை நடந்த 7 உலகக் கோப்பைப் போட்டிகளிலும் அரையிறுதியில் ஆட்டநாயகன் (Man of the Match) விருது பெற்றவரே இறுதி போட்டியிலும் ஆட்டநாயகன் விருது பெற்றிருக்கிறார்..

1975 - விவியன் ரிச்சர்ட்ஸ்

1979 - கிளைவ் லாயர்டு

1983 - கபில் தேவ்

1987 - டேவிட் பூன்

1992 - வாசிம் அக்ரம்

1996 - அரவிந்த டி சில்வா

1999 - ஷேன் வார்னே

()--((-------------------))--()

கிளைவ் லாயர்டு கேட்ச் பிடிக்காததால் 1979ல் கோப்பையை வென்றது மே.இந்திய தீவுகள் அணி.. சரியாத் தான் படிச்சீங்க.. கேட்ச் பிடிக்காததால்.. இறுதி போட்டியில், பாய்க்காட் குடுத்த மிகச் சுலபமான கேட்சை மிகத் திறமையான பீல்டரான கிளைவ் லாயர்டு தவற விட்டார்..

அதனால் பாய்க்காட் அவுட்டாகாமல் மிக மொக்கையாக ஆடி 105 பந்துகளில் வெறும் 54 ரன்கள் மட்டுமே எடுத்து பின்னர் அவுட்டானார்.. அடுத்து வந்தவர்களெல்லாம் மிகக் குறைந்த பந்துகளில் அதிக ரன்கள் எடுக்க முயற்சித்து அவுட் ஆனார்கள்.. இதனால் மே.இ.தீவுகள் கோப்பையைத் தட்டிச் சென்றது...

()--((-------------------))--()

1983 உலகக் கோப்பை இந்தியா வென்றது சரித்திரம்.. ஜூன் 18ம் தேதி அன்று கபில் தேவ் என்ற தனி மனிதனின் ருத்ரதாண்டவம் அரங்கேறியது.. வெறும் 17 ரன்களுக்கு 5 விக்கெட்களைப் பறிகொடுத்த பரிதாப நிலையிலிருந்த இந்திய அணியை தனி மனிதனாக கரை சேர்த்தது அன்று அங்கிருந்த 8000 சொச்சம் பார்வையாளர்கள் தவிர வேறு யாருக்குமே காணக்கிடைக்கவில்லை தெரியுமா?? அன்றைக்கு தொலைக்காட்சி நிறுவனம் BBC

ஒன்றே ஒன்று தான்.. அவர்களும் அன்று வேலை நிறுத்தம் செய்துவிட்டார்கள்.. கபில் தேவின் ஆட்டத்தை படம் பிடிக்கவேயில்லை..

அதே ஆட்டத்தில் இன்னொரு சுவாரசியமான நிகழ்ச்சி..

5 விக்கெட்களை இழந்து, வீடு திரும்ப வேண்டியது தான் என்ற மனோநிலைக்கு வந்துவிட்டனர் நம் வீரர்கள்.. அப்போது தான் கபில் களமிறங்கினார்.. அன்று முதலிலேயே அவுட்டான ஸ்ரீகாந்த் காப்பி அருந்திக்கொண்டு தன் மனைவியுடன் புல்வெளி அருகில் நின்று பேசிக்கொண்டிருந்த போது தான் கபில் தன் வித்தைகளைக் காட்டிக்கொண்டிருந்தார்.. நமக்கு, இந்தியர்களுக்கு தான் புத்தி சரியா வேலை செய்யுமே.. உடனே யார் யார் எங்கிருந்தார்களோ அங்கங்கே இருக்க வேண்டுமென அணியின் மேனேஜர் உத்தரவிட்டுவிட்டார்.. ஆட்டம் முடியும் வரை உடல்நிலை சரியில்லாமலேயே ஸ்ரீகாந்த் புல்வெளியிலேயே நின்று பார்த்தார்..

()--((-------------------))--()

சச்சின் டெண்டுல்கர் பேட்ஸ்மேன் ஆவதற்கு காரணமே ஆஸ்திரேலிய வேகப்பந்து வீச்சாளரும்,

சென்னை MRF Pace Foundation கோச்சுமான திரு.டென்னிஸ் லில்லி தான்.. சச்சின்

வேகப்பந்து வீச்சாளராக பயிற்சியெடுக்க சென்னைக்கு வந்தார்.. அவரது பேட்டிங் திறமையைப் பார்த்து லில்லி தான் அவரை பேட்டிங் பயிற்சிக்கு அனுப்பி வைத்தார்..

சச்சின் Straight Drive அநாயாசமாக விளையாடுவார் என்பது அனைவருக்கும் தெரியும்.. குறிப்பிட்ட அந்த முறை அவருக்கு எப்படி வந்தது என்பது தெரியுமா??? பம்பாயில் குறுக்கு சந்துகளில், இருபுறமும் இருக்கும் வீடுகளில் அடிபடாதவாரு விளையாடி விளையாடி தான் அவர் இந்த முறையில் வித்தகரானார்..

()--((-------------------))--()

சவுரவ் கங்கூலி எப்படி இடது கை ஆட்டக்காரரானார் என்பது ஒரு சுவாரஸியமான கதை..

சிறு வயதில் தெருக்களில் விளையாடி வந்த கங்கூலி மற்றும் நண்பர்கள்.. அப்போது (இப்போதும் இந்தியாவெங்கும் எழுதப்படாத சட்டம்) வீட்டுக்குள் பந்தடித்துவிட்டால், அடித்தவர் தான் எடுத்துவர வேண்டும்.. கங்கூலி விளையாடும் தெருவில் இடதுப் பகுதியில் இருந்த அடுக்கு மாடி வீடுகளின் மேல் அவருக்கு கொள்ளை ஆசை.. ஆட்ட விதிப்படி பந்தை வீட்டுக்குள் அடித்தவர் தானே எடுத்துவர வேண்டும்.. அதற்காகவே கங்கூலி இடதுகையால் விளையாடி வீட்டுக்குள் அடித்து உள்ளே சென்று வருவார்.. அப்படி பயின்றது தான் பின்னாளில் இடதுகையாட்டத்தில் முத்திரை பதிக்க உதவியது..

()--((-------------------))--()

இந்தியா கண்டெடுத்த மிகச்சிறந்த பேட்ஸ்மேன்களுள் ஒருவரான அசாருத்தீன் இந்திய அணியில் சேர்க்கப்பட்டது ஒரு ஆஃப் ஸ்பின்னாராக தான் என்பது விந்தையான விஷயம்..

()--((-------------------))--()

1974 முதல் 1991 வரை 17ஆண்டுகள் முடிசூடா மன்னனாக விளங்கிய விவியன் ரிச்சர்ட்ஸ் ஒரு முறை கூட ஹெல்மெட் அணிந்து விளையாடியதே இல்லை..

()--((-------------------))--()

இந்த விஷயங்கள் சுவாரசியாமா இருந்திருக்குன்னு நினைக்கிறேன்.. உங்களுக்கும் இது போல சுவாரசியமான நிகழ்ச்சிகள் தெரிந்தா சொல்லுங்களேன்..

சரி மக்கள்ஸ்... இப்போதைக்கு அம்புட்டு தான்.. சிரிச்சிட்டே இருங்க.. சந்தோஷமா இருங்க..

மீண்டும் சந்திப்போம்..

With Love,

உருளைக்கிழங்கு சுக்கா வறுவல்..

2011-02-16T12:49:00.000+05:30

சமையல் குறிப்பு பதிவுசெஞ்சி ரொம்ப நாள் ஆச்சி.. ஆமா, வீட்டுல சமைச்சாத் தானேன்னு குமாரு சொல்லறத கண்டுக்காதீங்க.. இன்னைக்கு வீட்டுல இருந்ததால புதுசா ஒரு ஐட்டம் செய்து பார்ப்போமேன்னு தோணிச்சி.. சரின்னு சமையலறைக்குள்ள போய் என்னல்லாம் இருக்குன்னு பார்க்கலாமுன்னு ஒரு ஆராய்ச்சி செய்தாத் தான் தெரியுது, ஒன்னுமேயில்லைன்னு.. :(
அதுக்காக முயற்சியில பின் வாங்கிடுவோமா நாம?? நாம தான் முன் வச்ச கால பின் வைக்க மாட்டோமே.. ஹி ஹி.. ஓடி போய் கடையில சில ஐட்டம் வாங்கிவந்துட்டேன்.. இப்போ எல்லாம் ரெடி..

சரி.. இன்னைக்கு என்னா புது ஐட்டம்னா, “உருளைகிழங்கு சுக்கா வறுவல்”

தேவையான பொருட்கள்:

உருளைக்கிழங்கு - 2
வெங்காயம் (பெரியது) - 1
தக்காளி - 1
கடுகு - 1/4 டீ ஸ்பூன்
உ.பருப்பு - 1/4 டீ ஸ்பூன்
மிளகாய்த் தூள் - 1 டேபிள் ஸ்பூன்
எண்ணெய் - தேவையான அளவு
சோளமாவு - 1 டேபிள் ஸ்பூன்
அரிசி மாவு - 1 டேபிள் ஸ்பூன்
உப்பு - தேவையான அளவு
கறிவேப்பிலை - 2 கொத்து
கொத்தமல்லித் தழை - 3 கொத்து

செய்முறை:

உருளைக்கிழங்கை சதுரமாக சிறு சிறு துண்டுகளாக நறுக்கிக்கொள்ளவும்.
நறுக்கியத் துண்டுகளை, கொதிக்கும் நீரில் போட்டு உடனே எடுக்கவும்.
பின்னர் அதனுடன், சோள மாவு, அரிசி மாவு, மிளகாய்த் தூள், உப்பு ஆகியவற்றை நன்றாக பெறட்டி தனியே வைத்துக்கொள்ளவும்.

அடுத்து நாம, அடுப்பு பக்கம் போவோம்..

அடுப்பை பற்ற வைக்குமுன், எண்ணைச் சட்டியை அடுப்பின் மேல் வைக்கவும். பின்னர் அடுப்பைப் பற்ற வைக்கவும். (அடுப்பைப் பற்ற வைத்துவிட்டு, சட்டியைத் தேடி எடுத்து வைத்தால், கேஸ் வேஸ்டாப் போகும்.. ஒரு சமூக விழிப்புணர்வு தான்)
சட்டி சூடானவுடன், சிறிது எண்ணெய் விட்டு, கடுகு, உ.பருப்பு தாளித்துக்கொள்ளவும்.
கடுகு வெடித்தவுடன், வெங்காயம், தக்காளி, கறிவேப்பிலை சேர்த்து நன்றாக வதக்கவும்.
வெங்காயம் பொண்ணிறமாக வதங்கியவுடன், தனியேவைத்துள்ள உருளைக்கிழங்கை சேர்த்து, நன்றாக வறுக்கவும்..
ஒரு மூடி போட்டு சட்டியை மூடிவைக்கவும்.. அவ்வப்போது எண்ணெய் சேர்த்து வறுக்கவும்.
சாதாரணமாக உருளைகிழங்கு பொன்னிறமாக வறுபட்டவுடன் எடுத்துவிடுவார்கள்.. ஆனா, சுக்கா வறுவலுக்கு அப்படி அவசரப்பட்டு எடுக்க கூடாது..
அடுப்பைக் குறைவான நெறுப்பில்வைத்திருப்பது இங்க ஒரு சூட்சமம்..
நன்றாக வறுக்கவும்..
வறுக்கவும்..
வறுக்கவும்..
வறுக்கவும்..
சிறிது நேரம்களித்து, உருளைக்கிழங்கு அடிபிடிக்க ஆரம்பிக்கும்..
அப்போது, மீண்டும் சிறிது எண்ணெய் சேர்த்து வறுக்கவும்.
பின்னர், மூடிவைத்துவிடவும்..
சிறுது நேரம்களித்து, மூடியைத் திறந்து பார்த்தால், நன்றாக அடிபிடித்து இருக்கும்.. ஆகா நம்ம “உருளைக்கிழங்கு சுக்கா வறுவல்” தயார்..
ஒரு தட்டில் எடுத்து, கொத்தமல்லித்தழைகளை நறுக்கி, மேலே தூவிவிடவும்..

பார்த்தாலே அருமையாக இருக்கும்..
சாப்பிட்டா எப்படி இருக்குமுன்னு நீங்களே சாப்பிட்டு சொல்லுங்க..

டிஸ்கி:: உருளைக்கிழங்க கருகவிட்டுட்டு பேச்சாடா பேசறன்னு யாரும் சொல்லப்படாது..

OMR சுங்கச் சாலை - ஆண்டுக்கு ரூ. 8 லட்சம் ஊழல் !!

2011-02-11T13:55:00.000+05:30

மக்களே, நண்பர்களே இங்கே சொல்லப்பட்டுள்ளவை அனைத்தும் சமூகத்தில் நடப்பவைகளை பதிவு செய்யவே.. பணம் மிச்சம் செய்யவோ / கட்டணம் செலுத்தாமல் ஏமாற்றவோ / யாரும் இதனைப் பின்பற்றவோ அல்ல..

“பழைய மகாபலிபுரம் சாலை” (OMR) பெருங்குடியிலயிருந்து நாவலூர் வரை கட்டண சாலையென்பது அனேகமா எல்லாருக்குமே தெரியும்.. (அந்த சுங்க சாலை வெறும் 14கிமீ..

ஒரு சுங்க சாலைக்கான எந்த ஒரு தகுதியுமே இல்லாத சாலையது என்பது இங்கே சொல்லியாக வேண்டும்.. அதற்கே கட்டணம் ரூ.17/- என்பது பொன்னெழுத்துக்களில் பொறிக்கப்படவேண்டியது). இதுல கொடுமை என்னன்னா, காலை ஒரு சுங்கச் சாவடியில பணம் கட்டிட்டு மீண்டும் மாலை அதே சுங்கச் சாவடி வழியா வெளியேறினா மீண்டும் பணம் கட்ட வேண்டும்.. ஆனா பணம் கட்டாமலே அனேகம் பேர் அந்த சாலையைப் பயன்படுத்தறாங்க தெரியுமா??

துரைப்பாக்கம் - பல்லாவரம் 200அடி சாலையில் இருக்கும் சுங்கச்சாவடிக்கு சுமார் 100 அடி முன்னும் பின்னும் குறுக்கு சாலைகள் இருக்கு.. முன்னர் இருக்கற சாலையில சென்று அடுத்த சாலையில வந்திடலாம்.. அதிகபட்சம் 1/2 கிமீ தான் அதிகம் சுற்ற வேண்டும்.. அப்படி வருகிறவர்கள் சுங்க வரி கட்டுவதேயில்லை.. vice versa..

(பல்லாவரம் - துரைப்பாக்கம் சுங்கச்சாவடி)

மேடவாக்கத்திலிருந்து சோழிங்கநல்லூர் செல்லும் சுங்கசாவடியில நேரே கி.க.சா (அதாங்க ECR) போறேன்னு சொன்னா, அவங்க Rs.0/- அப்படின்னு ஒரு சீட்டு தருவாங்க.. vice versa.. ஆனா அவங்க நேரே போறாங்களான்னு யாருமே கவணிக்கறதில்லை.. ஆக உள்ள போயிட்டாங்கன்னா, நாவலூர் - பெருங்குடி எங்க வேணும்னாலும் போகலாம்.. vice versa..

(மேடவாக்கம் - ECR)

சரி இது மேடவாக்கம் அல்லது ECR லயிருந்து போகிறவங்களுக்கு.. OMR ல அல்லது ECR பகுதியில இருக்கறவங்க OMR பயன்படுத்த என்ன செய்யறாங்க??? மேல படிங்க..

ECR - OMR சுங்கச்சாவடிக்கு 100அடி முன்னர் கிராமநெடுஞ்சாலை இருக்கு.. அதில் இடதோ வலதோ திரும்பி மீண்டும் OMR வந்து சேர்ந்துக்கலாம்..

வேறுவழியே இல்லாம சுங்கம் கட்டவேண்டிய இடங்கள் - நாவலூர் மற்றும் பெருங்குடி.. ஆக்ட்சுவலி அதுக்கும் வழிகள் இருக்கு.. கொஞ்சம் சுத்து ஆகவே அதை விட்டுடறாங்க..

(பெருங்குடி சுங்கச்சாவடி)

ஒரு நாளைக்கு ஒருவர் இப்படி மிச்சம் செய்யும் பணம் 34 ரூபாய்.. அதுவே ஒரு மாதத்திற்கு குறைந்தது 680 ரூபாய் (மாதம் 20 நாள் வேலை என்ற கணக்கில்).. வருடத்திற்கு 8160 ரூபாய்.. குறைந்தது 100 வண்டிகள் தினமும் இப்படி சுங்க வரி செலுத்தாமல் செல்கின்றன.. ஆக சுமார் 8லட்சத்து 16ஆயிரம் ரூபாய் காந்தி கணக்குக்கு போகுது...

ஒரு சுங்கச்சாவடி அமைக்கும் போது இதெல்லாம் கணக்குல எடுத்துத்தான் சுங்கசாவடிக்கு இடம் தேர்வுசெய்தார்களா??? ஏனுங்க 100அடியில இருக்கற குறுச்சாலைகள் கூடவா இவங்க கவனத்துலயிருந்து தப்பிச்சிடிச்சு??? இல்ல நாமெல்லாம் ரொம்ப நல்லவங்கன்னு நினைச்சிட்டாங்களா???????

Disclaimer:: இது யாரும் பயன்படுத்துவதற்காகச் சொல்லப்பட்டது அல்ல.. பயன்படுத்தி அதனால் ஏற்படும் இழப்புகளுக்கு (பயனர்கள் & அரசு) கம்பெனி பொறுப்பேற்காது..

தஞ்சாவூர் மாலைகள் v_1002.11

2011-02-10T11:44:00.000+05:30

வணக்கம் நண்பர்களே.. நல்லா இருக்கீங்களா???

நேற்று காலை 3 சிறுவர்கள் பேசிகிட்டு போனாங்க.. எப்படி பார்த்தாலும் அந்த பசங்க மூன்றாம் அல்லது நான்காம் தான் படிப்பாங்க.. அவங்க என்ன பேசினாங்க, எந்த விஷயம் என்பதெல்லாம் எனக்கு தெரியாது.. என்னை அவங்க கடந்து சென்ற 1/2 நிமிட நேரத்தில அவங்க பேசினது இங்கே...

முதலாமவன்: டேய் இன்னைக்கு தான் தரப்போறாங்க.. எங்களுக்கு தருவாங்கன்னு அம்மா சொன்னாங்க

இரண்டாமவன்: போடா அதெல்லாம் குழுல இருக்கறவங்களுக்கு மட்டும் தான் தருவாங்க...

மூன்றாமவன்: பணக்காரங்கதான் குழுல இருப்பாங்க.. அப்போ நமக்கு கிடையாதா???

என்ன கொடுமைங்க இது??? பத்து வயசு பையனுக்கு என்ன தெரியும்?? பிஞ்சு மனசுல நஞ்ச விதைக்கிறோமா????

()--((-------------------))--()

யானைக் கதையொன்னு இருக்கு..

அவ்வளவு பெரிய யானையைச் சின்ன ஒரு சங்கிலியால் தான் கட்டியிருப்பாங்க.. அவ்வளவு பெரிய யானையை இந்த சின்ன சங்கிலி எப்படி கட்டிப்போடுது???

அங்க தான் சைக்காலஜி வேலை செய்யுது.. யானை சின்ன வயசுல இருக்கும் போது மொத்தமா ஒரு சங்கிலியால கட்டி போட்டு பழக்கியிருப்பாங்க.. காலம் ஆக ஆக.. அந்த சங்கிலி அளவு சின்னதா போயிடும்.. ஆனா யானை மனசுல அந்த மொத்த சங்கிலியோட கிலி தான் இருக்கும்.. ஆக யானை அந்தாண்ட இந்தாண்ட நகர முயற்சி செய்யாது...

யானைக்கு இந்த லாஜிக் சரி.. ஆனா டாட்டா சஃபாரிக்கு?????

தஞ்சையில் எடுத்தது இந்த படம்...

()--((-------------------))--()

மத்திய அரசு புதிய சட்டம் இயற்றியுள்ளதாக மின்னஞ்சல் வந்துள்ளது.. இது எந்த அளவு உண்மைன்னு தெரியல.. உண்மையா இருந்தா ரொம்ப நல்லது.. தெரிஞ்சவங்க சொல்லுங்க..

“யாராவது ரேஷன் கார்டு, ஓட்டுனர் உரிமம், பாஸ்போர்ட், பாங்க் பாஸ்புக், வாக்காளர் அட்டை போன்றவற்றை தவறவிட்டிருந்து நாம் கண்டெடுத்தால் அதனை அருகில் இருக்கும் தபால்பெட்டியில் போட்டுவிட வேண்டும். அந்த ஆவணம் சரியான நபர்க்கு போய் சேர்ந்துவிடும். தபால் செலவு அவரிடம் பெறப்படும்..”

()--((-------------------))--()

வரலாறு முக்கியம் அமைச்சரே::

1870 - YWCA நியுயார்க்கில் தோற்றுவிக்கப்பட்டது..

1931 - புது தில்லி இந்திய தலைநகராக இன்று முதல் செயல்படத்துவங்கியது..

1940 - முதல் Tom and Jerry படமான Puss Gets the Boot வெளியிடப்பட்டது..

1972 - 1998ல் சச்சினால் ஓட ஓட விரட்டப்படுவோம் எனத் தெரியாமல் ஆஸ்திரேலிய வீரர் Kasprowicz பிறந்தது இன்று தான்..

()--((-------------------))--()

OMR சாலையில் சுங்கவரி கட்டாமல் மக்கள் எப்படி போறாங்கன்னு நாளைக்கு வெளிவரும்.. கண்டிப்பா வந்து பாருங்க.. (விளம்பரமும் முக்கியம் அமைச்சரே)

()--((-------------------))--()

இப்போதைக்கு அவ்வளவே.. Smile is the second best thing you can do with your lipsன்னு யாரோ சொல்லியிருக்காங்க.. மனம்விட்டு நல்லா சிரிங்க, சந்தோஷமா இருங்க..

பிடிச்சிருந்தா நல்லாதா 4 வார்த்தை சொல்லிட்டு போங்க.. பிடிக்கலைன்னாலும் திட்டிட்டு போங்க, திருத்திக்கறேன்.. ஆனா ஏதும் சொல்லாம போகாதீங்க..

மீண்டும் சந்திப்போம்..

Test

2011-02-08T12:14:00.000+05:30

:-(

இசைந்தால் நம் இருவரின் ஸ்வரமும் நமதாகும் !!

2011-01-26T15:30:00.000+05:30

நண்பர்கள் அனைவருக்கும் குடியரசு தின வாழ்த்துக்கள்..

ஆகஸ்டு 15, 1988 அன்று இந்திய தொலைக்காட்சி வரலாற்றிலேயே முதன்முறையாக தூர்தர்ஷனில் ஒளிபரப்பாகத் துவங்கியது இந்த பாடல் காட்சி..

பல பிரபலங்களும் பொது மக்களும் பங்கெடுத்திருக்கும் இந்த தேசிய ஒருமைப்பாட்டு பாடலை எழுதியவர்: திரு. பியுஷ் பாண்டே; இசையமைத்தவர்: திரு. அஷோக் பாட்கி; இயக்குனர்: திரு.சுரேஷ் மல்லிக்.. இவர்கள் அனைவரும் O & M விளம்பர நிறுவனத்தில் பணியாற்றியவர்கள்..

என்ன தான் இப்போ பல பல தொலைக்காட்சிகளும் அதில் பலதரப்பட்ட நிகழ்ச்சிகளும் வந்தாலும் இந்த பாடலை நம்மால் மறக்கமுடியாது.. இன்றும் அது நம் காதுகளுக்கு இனிமையாகத் தான் இருக்கு..

“ [hi] milē sur merā tumhārā, tō sur banē hamārā

sur kī nadiyān̐ har diśā sē, bahte sāgar men̐ milē

bādalōn̐ kā rūp lēkar, barse halkē halkē

milē sur merā tumhārā, tō sur banē hamārā

milē sur merā tumhārā

[ks] Chaain taraz tai myain taraz, ik watt baniye saayen taraz

[pa] tērā sur milē mērē sur dē nāl, milkē baṇē ikk navān̐ sur tāl

[hi] milē sur merā tumhārā, tō sur banē hamārā

[sn] mun̐hin̐jō sur tun̐hin̐jē sān̐ piyārā milē jad̤ahin̐, gīt asān̐jō madhur tarānō baṇē tad̤ahin̐

[ur] sur ka darya bahte sagar men mile

[pa] bādalān̐ dā rūp laikē, barsan haulē haulē

[ta] Isaindhal namm iruvarin suramum namadhakum

Dhisai veru aanalum aazi ser aarugal Mugilai

mazaiyai pozivadu pol isai

Nam isai

[kn] nanna dhvanige ninna dhvaniya, sēridante namma dhvaniya

[te] nā svaramu nī svaramu sangamamayi, mana svaranḡa avatarincē

[ml] eṉṯe svaravum niṅṅkaḷoṭe svaravum, ottucērnnu namoṭe svaramāy

[bn] tōmār śūr mōdēr śūr, sriṣṭi kōruk ōikōśūr

[as] sriṣṭi hauk aikyatān

[or] tuma āmara svarara miḷana, sriṣṭi kari chālu ekā tāna

[gu] maḷē sur jō tārō mārō, banē āpṇō sur nirāḷō

[mr] mājhyā tumchyā juḷtā tārā, madhur surānchyā barastī dhārā

[hi] sur kī nadiyān̐ har diśā sē, bahte sāgar men̐ milē

bādalōn̐ kā rūp lēkar, barse halkē halkē

milē sur merā tumhārā, tō sur banē hamārā”

Milē sur merā tumhārā, tō sur banē hamārā - இதற்கு அர்த்தம் "When my musical note and your musical note merge, it becomes our musical note" அதாவது “இசைந்தால் நம் இருவரின் ஸ்வரமும் நமதாகும்”

23 ஆண்டுகளுக்கு பின்னர் அதே பாடலை தற்போதைய பிரபலங்களைக் கொண்டு மீண்டும் தயாரித்துள்ளனர்.. இன்று முதல் ஒளிபரப்பத் துவங்கியுள்ளனர்.. கண்டிப்பாக இன்று நாம் பார்க்கும் தொலைக்காட்சிகளில் என்றுமே காட்ட போறதில்லை..

61ஆம் குடியரசு தினத்தைக் தொலைக்காட்சிகளில் கொண்டாடும் நண்பர்களுக்கும் இது போன்ற முயற்சிகளுக்கும் என் வாழ்த்துக்கள்..

இசைவோம் : இணைவோம் : வெல்வோம்

தஞ்சாவூர் மாலைகள் - 25/Jan/2011

2011-01-25T17:00:00.000+05:30

நட்பே.. உனக்கு என் புத்தாண்டு, பொங்கல், குடியரசு தின வாழ்த்துக்கள்..

கடந்த இரு மாதங்களாக கொஞ்சம் அதிகமாகவே ஆணிபுடுங்கற வேலையிருந்ததால, தொடர்ச்சியா எழுத முடியவில்லை.. (எழுதி மட்டும் என்னத்த செய்ய போறேன்னு நீங்க கேட்பது எனக்கும் கேட்குது, பப்ளிக்.. பப்ளிக்..)

()--((-------------------))--()

"பழைய மகாபலிபுரம் சாலை" கட்டண சாலையென்பது அனேகமா எல்லாருக்குமே தெரியும்.. (அந்த சுங்க சாலை வெறும் 14கிமீ.. அதற்கே கட்டணம் ரூ.17/- என்பது பொன்னெழுத்துக்களில் பொறிக்கப்படவேண்டியது) ஆனா பணம் கட்டாமலே அனேகம் பேர் அந்த சாலையைப் பயன்படுத்தறாங்க தெரியுமா?? அடுத்த பதிவுல எப்படின்னு விவரமா பார்ப்போம்..

()--((-------------------))--()

கூகுள் குரோம் வசதிகள்::

தேர்தல் நேரத்துல எந்த வேட்பாளரும் பிடிக்காம இருந்தா 49’O பயன்படுத்தலாம் என்பது நமக்கு தெரியுமோ இல்லயோ, பதிவுகளுக்கு நெகடிவ் ஓட்டு போட நல்லாவே தெரியும்.. அதே போல Face Book ல "Like" இருக்கறது தெரியும் “Dislike” ஆப்ஷன் வேண்டுமா??? இதை கிளிக்குங்க.. அங்கயிருக்கும் கூகிள் குரோமின் நீட்சியை நிறுவிட்டீங்கன்னா போதும்..

Facebook ல புகைப்படங்கள் பார்க்க ஒவ்வொரு படமா திறந்து பார்க்கவேண்டிய அவசியமில்லை.. எப்படின்னு கேட்கறீங்களா.. இங்க போய் இந்த நீட்சியை நிறுவிடுங்க.. அப்புறம் பாருங்க, உங்க மவுஸ் பாயிண்டரை அந்த படம் மேல கொண்டுசென்றாலே படம் பெரிதா தெரியும்..

You Tube அல்லது இன்னபிற தளங்கள்ல நீங்க வீடியோ பார்க்கும் போது உங்க ஸ்கிரீன்ல வீடியோ தவிர வேறெதும் இல்லாம, படம் தவிர மற்றயிடங்கள் டார்க்கா இருந்தா எவ்வளவு நல்லா இருக்கும்.. இங்க போய் இந்த நீட்சியை நிறுவிக்கோங்க.. தியேட்டர் எபெக்ட் கியாரண்டி..

()--((-------------------))--()

மலையரசி ஊட்டியில நூற்றாண்டு கடந்து ஓடிக்கிட்டு இருக்கற ஸ்டீம் எஞ்சின் வரும் பிப்ரவரி முதல் ஓய்வுக்கு போகுது.. அதற்கு பதிலா ஃபர்னஸ் ஆயில் இஞ்ஜின் ஓடப்போகுது.. சுமார் 46கிமீ தூர பயணம் கொண்டது ஊட்டி மலை ரயில் பயணம்.. அதில் சுமார் 28கிமீ ஸ்டீம் எஞ்சின் பயன்படுத்திட்டு இருந்தாங்க.. மீதி தூரம் டீசல் எஞ்சின்..

6 ஸ்டீம் எஞ்சின் இருந்தாலும் 4 மட்டுமே பயன்பாட்டில் இருக்குது போல.. அதில் தான் மூத்தவரை ரிடையர் ஆக்க போறாங்க.. அவருக்கு வயது 105. அவர் சுவிஸ் நாட்டைச் சேர்ந்தவர் என்பது குறிப்பிடவேண்டிய ஒன்று.

புதிய இன்ஜின் நம்ம ஊரு பொன்மலை (திருச்சி) ரயில்வே ஷாப்பில தான் தயார் செய்திருக்காங்கங்கறது பெருமைப்பட வேண்டிய ஒன்று..

()--((-------------------))--()

முன்னர் தூர்தர்ஷன் மட்டுமே தொலைக்காட்சியாக இருந்த காலத்தில், இந்த வீடியோவைப் பார்க்காதவர்கள் இருந்திருக்கவே முடியாது.. தேசிய ஒருமைப்பாட்டு பாடல்..

இதில் கலக்கலான ஆரம்பம் குடுத்த பண்டிட் பீம்சென் ஜோஷி அவர்களுக்கு இது அர்ப்பணம்..

()--((-------------------))--()

வரலாற்றில் இன்று::

இதுவரை எடுக்கப்பட்டுள்ள வைரங்களிலேயே மிகப்பெரியதான “கல்லினன்” வைரம் 1905ம் ஆண்டு கண்டுபிடிக்கப்பட்டது..
Winter Olympic போட்டிகள் 1924ஆம் ஆண்டு துவங்கப்பட்டது..
1983 - ஆச்சார்ய வினொபா - பாரத் ரத்னா விருது
1988 - Dr. MGR - பாரத் ரத்னா விருது
1992 - JRD Tata - பாரத் ரத்னா விருது
1999 - சச்சின் டெண்டுல்கர் - பத்மஸ்ரீ
2000 - ரஜினிகாந்த் - பத்மபூஷன்; ஏ.ஆர்.ரஹ்மான் - பத்மஸ்ரீ

இப்போதைக்கு அவ்வளவே.. மீண்டும் சந்திப்போம்..

“A smile confuses an approaching frown” so.. சிரிச்சிட்டே இருங்க, சந்தோஷமா இருங்க..

அன்புடன்..

புத்தாண்டு செய்தியும்.. மருத்துவருக்கு பிறந்த நாள் வாழ்த்துக்களும்!!!

2010-12-31T11:00:00.000+05:30

முன்னொரு காலத்துல ஒரு ஊருல ஒரு ராஜா இருந்தாராம்.. அவரு ஒரு மாபெரும் வீரர்.. அவரை எதிர்க்க அப்போ அக்கம் பக்கத்துல யாருமே இல்ல. நாட்டுல போர் இல்ல.. ராஜாவும் நல்லபடியா ஆட்சிபுரிஞ்சாரு.. மக்களும் சண்டைச் சச்சரவு இல்லாம சந்தோஷமா வாழ்ந்தாங்க.. ஆகவே ராஜாக்கு வேலையே இல்ல.. கேட்கனுமா??? ராஜாவுக்கு இலக்கியத்தின் மேல ஒரு சந்தேகம் வந்திச்சி.. (வேலையில்லாம இருக்கறவங்கல்லாம் இலக்கியவாதியா இல்ல இலக்கியவாதியெல்லாம் வேலையில்லாம இருக்காங்களான்னு யாரும் ஊடால வந்து கேட்டா கம்பெனி பொறுப்பில்லை)

ராஜாக்கு வந்த சந்தேகம் என்னன்னா...

“ஒரு மனுஷன், வாழ்க்கையில எல்லாத்தையும் இழந்து, வாழ வழியேயில்லைன்னு ஒரு நிலை வரும்போது ஒரு பழமொழியோ, பாடலோ, செய்யுளோ ஏதோ ஒன்னு.. அதைப்படிச்சா அப்படியே ச்சும்மா ஜிவ்வுன்னு ஒரு புத்துணர்ச்சி வரனும்.. அப்படி ஒரு மேட்டர் தமிழ்ல இருக்கா??”

புலவர்கள் எல்லாம் க்ரூப் டிஸ்கஷன் செய்து, ராஜாகிட்ட வந்து சில பாடல்களை காட்டினாங்க.. ஆனா ராஜா மனசுக்கு அதெல்லாம் ஒத்துவரல.. ராஜாவுக்கு ஒற்றைவரியில வேணும். கண்டுபிடிச்சி சொல்லுங்கன்னு சொல்லி எல்லாரையும் அனுப்பிட்டாரு.. பெரிய பெரிய புலவர்கள்ல இருந்து நண்டு சிண்டு புலவர்கள் வரை எல்லாரும் தேடி போனாங்க..

போனவங்க போனதுதான்.. 2 மாசமாச்சி.. 3 மாசமாச்சி.. யாரையுமே காணல.. ராஜா டென்ஷன் ஆயிட்டாரு.. இவரு டென்ஷனா இருக்கறத பார்த்து அவரோட மெய்க்காப்பாளர் (ராஜாவுக்கு சந்தேகம் வந்தன்னைக்கு கேஷுவல் லீவ்ல இருந்தாரு), என்னன்னு விசாரிச்சாரு.. ராஜாவோட டவுட் தெரிஞ்சவுடனே..

மெய்.கா: “அரசே.. இது சோ சிம்பிள்.. முன்னொரு சமயம் நான் உங்க ஃபாதர் கிட்ட வேலைசெய்யும் போது, நான் காட்டுக்கு வெக்கேஷன் போயிருந்தேன். அங்க ஒரு முனிவர சந்திச்சேன்.. அவரு ஒரு ஓலையில எதயோ எழுதி ஒரு குப்பிக்குள்ள போட்டுகுடுத்தாரு.. நீங்க கேட்டது போல ஒரு சிச்சுவேஷன்ல தான் அதை திறந்து பார்க்கனும் சொன்னாரு. அது அப்படியே என்கிட்ட இருக்கு”

ராஜா உடனே அதை கொண்டு வரச்சொன்னாரு.. ராஜாவாச்சே.. மறுபேச்சில்லாம, நம்ம ஏமாந்த மெய்.கா. குடுத்துட்டாரு..

காலம் உருண்டோடியது.. சில பல வருஷங்கள் கழிச்சி, ராஜா கொஞ்சம் அசால்ட்டா இருந்த நேரத்துல பக்கத்து நாட்டு ராஜா படையெடுத்து வந்துட்டான்.. கடுமையான போர்.. ராஜா தோற்கும் நிலை வந்துடிச்சி.. ராஜா தன் குதிரையில ஏறி காட்டுக்குள்ள போய்ட்டாரு.. ஆனா எதிரி நாட்டு வீரர்களும் ராஜாவத் தொரத்திட்டு போனாங்க.. ராஜா ஒரு மலைமேல ஏறினார்.. மலையுச்சிக்கு வந்துட்டாரு.. வீரர்களும் தொரத்தறாங்க.. அந்த பக்கம் பார்த்தா பெரிய பள்ளத்தாக்கு.. பின்னாடி வீரர்கள்.. குதுரையும் ரொம்ப டயர்டா ஆகிடிச்சு.. என்ன செய்யறதுன்னு ராஜாக்கு தெரியல.. அங்க ஒரு மறைவில உக்காந்துட்டார்.. அப்போ அவருக்கு மெய்.கா. தந்த குப்பி நியாபகத்துக்கு வந்திச்சி.. ஓப்பன் செஞ்சி பார்த்தார்..

அதுலயிருந்த ஓலையில இருந்த வாசகம், “இதுவும் கடந்து போகும்”

ராஜா யோசிச்சாரு.. “இதுவும் கடந்து போகும்ன்னா.. இப்போ நான் தோல்வியடைஞ்சதும் கடந்து போகுமா??” ந்னு யோசிட்டே தூங்கிட்டார்.. ரொம்ப நேரம் கழிச்சி முழிச்சார்.. குதிரை புத்துணர்ச்சியோட ச்சும்மா பிரிஸ்க்கா இருந்துச்சி.. தொரத்திட்டு வந்த வீரர்களும் போய்ட்டாங்க.. ராஜாக்கு அப்போ தான் அந்த ஓலை வாசகத்தின் அர்த்தம் புரிஞ்சது.. அப்படியே நகர்ந்து காட்டுக்குள்ள போனார்.. அங்க இருந்த மக்கள், ராஜாவின் நிலையை பார்த்து வருந்தி, அவருக்கு அடைக்கலம் குடுத்தாங்க.. அவருக்கு படை சேர்த்தாங்க..

இரண்டு வருடங்கள் போனது.. படை பக்காவா ரெடி.. ராஜா மீண்டும் நாட்டுக்கு போய், சண்டையிட்டார்.. இப்போ நம்ம ராஜாக்கு மாபெரும் வெற்றி..

மக்கள் ஆரவாரத்தோட, ராஜா ஊருக்குள்ள அரண்மனை நோக்கி தேர்பவணி வரார்.. ஊரெங்கும் மகிழ்ச்சி வெள்ளம்.. ராஜாக்கு தன் நாடு திரும்ப கிடைச்ச சந்தோஷம் தாங்கல..

பக்கத்துல யாரோ மூச்சிறைக்க ஓடி வருவதைப் பார்த்தார் ராஜா.. அது யாருன்னா, நம்ம பழைய மெய்.கா.. ராஜா அப்படியே அவரை கட்டியணைச்சிக்கிட்டார்.. மெய்.கா. குடுத்த குப்பி தானே ராஜாவை பழைய நிலைக்கு திருப்பிச்சி..

அப்போ அந்த மெய்.கா. சொன்னாரு, “ராஜா, நான் உங்ககிட்ட ஒரு முக்கிய விஷயம் சொல்ல மறந்துட்டேன்.. அந்த முனிவர், கஷ்டத்துல மட்டுமில்ல, எப்போ மிகுதியான சந்தோஷத்துல இருக்கியோ அப்பவும் அந்த ஓலையைப் படிக்க சொன்னார்”.

ராஜா அப்படியே ஷாக்காயிட்டார்.. அவ்வளவு சக்திவாய்ந்த ஓலையா இது அப்படின்னு..

சரின்னு திரும்பவும் குப்பில இருந்த ஓலையைப் படிச்சாரு.. இப்போ அதில் இருந்த வாசகம்..

“இதுவும் கடந்து போகும்”

கதை நன்றி:: நடிகர் சிவகுமார்.

நண்பர்களே..

எவ்வளவோ தருணங்கள் நம்மைக் கடந்து போயிருக்கு.. எவ்வளவோ தருணங்களை நாம் கடந்து வந்திருக்கோம்.. “எல்லாம் நல்லதுக்கே”ன்னு பாசிட்டிவா எடுத்துக்கனும்.. கஷ்டம் வரும் போது சோர்ந்து போகிறதும் வேண்டாம்.. மகிழ்ச்சியான நேரத்துல கொக்கறிக்கவும் வேண்டாம்..

2010 முடியும் இந்த நேரத்துல.. நம் பழைய பகைகளை மறந்து எல்லாருடனும் நட்பு பாராட்டுவோம்.. 2011 மட்டுமில்லை வாழ்வே இனிமையாக அமைய வாழ்த்துக்கள்..

இந்த பதிவு எழுத காரணமான தோழி.. இன்று பிறந்த நாள் கொண்டாடும் மருத்துவர் ரோஹிணி அம்மணிக்கு என் அன்பார்ந்த பிறந்த நாள் வாழ்த்துக்கள்..

நண்பர்கள் அனைவருக்கும் என் இனிய புத்தாண்டு வாழ்த்துக்கள்..

உடனடியாக கவணிக்கவும் - லாப்டாப் வாரண்டி!!

2010-12-17T12:30:00.003+05:30

கடந்த சில வாரங்களுக்கு முன் தான் நம்ம லாப்டாப்க்கு வாரண்டி ஸ்டேடஸ் செக் செய்வது பற்றி சொல்லியிருந்தேன்.. நானே இவ்வலவு சீக்கிரம் அதைப் பயன்படுத்த வேண்டி இருக்குமுன்னு நினைக்கவேயில்லை. ஆமாங்க, கடந்த வாரம் என் லாப்டாப் செத்துப்போச்சி.. Dell நிறுவனத்துக்கு ஃபோன் போட்டு பேசின போது தான் இன்னும் அதிகமா வாரண்டி பற்றி தகவல் கிடைச்சது..

நாம லாப்டாப் இந்தியாவிற்கு வெளியே எங்கயாவது வாங்கியிருந்தா, International Warranty இருக்கான்னு பார்த்துக்கனும். அப்படி இருந்தாத் தான் இந்தியாவில செல்லுபடியாகும்.
International Warranty இருக்கும் பட்சத்தில், இந்தியா வந்தவுடன், சம்மந்தப்பட்ட நிறுவனத்தின் Customer Careக்கு அழைத்து நீங்க இந்தியாவுக்கு திரும்பி வந்ததையும், உங்க லாப்டாப் இனி இந்தியாவில தான் உபயோகப்படுத்தப்பட இருக்குங்கறதையும் அவங்ககிட்ட தெரிவியுங்க. அவங்க உங்க International Warrantyஐ பரிசோதிச்சி, இந்தியாவில் வாரண்டி செல்லுபடியாக வழிவகை செய்வாங்க. அதுக்கு எப்படியும் 10 - 15 நாட்கள் ஆகும். So.. இதுவரை செய்யாதவர்கள், இப்போ செஞ்சிடுங்க..
உங்க வாரண்டி ஹார்டுவேர் வாரண்டியா இல்லை சாஃப்டுவேருக்கும் பொருந்துமான்னு பார்த்துக்கோங்க.
லாப்டாப் வாங்கும் போதே Recovery / Re-installation CD தருவாங்க. அதை எல்லம் பத்திரமா வச்சிக்கோங்க. இப்படி பிரச்சினை வரும் போது, அந்த recovery cdஐ பயன்படுத்தி முதல்ல சரி செய்யமுடியுமான்னு பாருங்க. அப்படி சரி செய்ய முடியலனா மட்டும் Customer Care க்கு பேசுங்க. (அந்த CD வேலை செய்யுதான்னு முன்னமே ஒருமுறை Check செய்து வச்சிக்கோங்க. தேவையெனில் அதை ஒரு பேக்கப் காபி எடுத்து வைத்துக்கொள்வதும் உத்தமம். அனேகமாக ஹார்டுவேர் மாற்ற வரும் பொறியாளர் நம்ம கிட்ட தான் சாஃப்டுவேர் கேட்பார்.
நம் லாப்டாப்பில் வைத்துள்ள Data அனைத்தையும் அவ்வப்போது backup எடுத்துக்கொள்வது நல்லது.. பின்னர் வருந்த வேண்டியதில்லை.
நாம் அடிக்கடி பயன்படுத்தும் சாஃப்டுவேர் எதுயெது என்று ஒரு குறிப்பு வச்சிக்கோங்க. முடிஞ்சா அவைகளை பேக்கப் வச்சிக்கோங்க. புதுசா ஹார்டுவேர் / OS மாற்றினால், பழைய சாஃப்டுவேர் எதும் இருக்காது. ஆகவே, நாம் ஞாமகமா மீண்டும் அந்த சாஃப்டுவேர்களை டவுன்லோடு செய்து பயன்படுத்த முடியும்.

ஏதோ, நான் பெற்ற துன்பம் பெறவேண்டாம் இவ்வையகமுன்னு சொல்லறேன்..
கண்ணா சன்ரைஸ் குடிச்சிக்கோ.. நல்லா முழிச்சிக்கோ..

தஞ்சாவூர் மாலைகள் - 06/Oct/2010

2010-10-06T17:23:00.000+05:30

எல்லாரும் நல்லா இருக்கீங்களா??

சென்ற வாரம் நடந்த இரு நிகழ்வுகளைப் பற்றி எல்லாரும் அலசோ அலசுன்னு அலசிட்டாங்க.. அதுக்கு மேல நானும் அலசினா உங்களுக்கு கோவம் தான் வரும். So.. We will move on..

()--((-------------------))--()

“எந்திரன் பார்த்தாச்சா??” இது தான் இன்றைய மில்லியன் டாலர் கேள்வியா இருக்கு.. நான் பார்த்துட்டேன்.. முதல் நாள் முதல் ஷோ.. “சிவாஜி”க்கு ரசிகர்களிடம் இருந்த உற்சாகம் எந்திரனுக்கு குறைவே என்பது என் கருத்து.. என் கிரிஸ்பி கருத்து இது தான்::

எந்திரன்:
ரஜினி அடுத்த தலைமுறையைக் கவர சிறந்த படம்.

சிட்டி பாடி லாங்குவேஜ் கலக்கல்.. அந்த எகத்தாளமான சிரிப்பு மற்றும் அந்த “ம்ம்மே ம்ம்மே” வசனம்.. அது போதும்.. பிற வில்லன் நடிகர்களிடம் நடமாடிக்கிட்டிருக்கிற விஷயம் இன்னமும் ரஜினிக்கு உள்ளே தூங்கிட்டு தான் இருக்கு.. We miss u பரட்டை..

ஐஸ்வரியா குளிர்ச்சி.. நடனத்தில் “இருவர்” நினைவிற்கு வருவதைத் தவிற்கமுடியவில்லை..

ரஜினி படம் பார்த்த எஃபெக்ட் இல்லை.. ரஜினியிடம் எதிர்பார்க்கும்(த்த) விஷயங்கள் மிஸ்ஸிங்.. ஸ்பைடர் மேனை ரோபோவாக உறுமாற்றம் செய்து, வில்லனாக சித்தரிக்கப்பட்ட கதை. கெட்டவனாக ரஜினி இருக்கமுடியாததால் இறுதியில் சிட்டி திருந்தியேயாக வேண்டிய கட்டாயம். கிளிமாஞ்சாரோ தினிப்பு; செல்லமுடியாத இடத்திற்கு செல்வோம் என்ற கொக்கறிப்பு..

மொத்தத்தில் எந்திரன்: Toy Story
(ஒருவேளை ஓவர் பில்டப் உடம்புக்கு ஆகலையோ)

()--((-------------------))--()

கோடுபோட்டா ரோடே போடுவோம்ன்னு சிலர் பெருமையா சொல்லிக்குவாங்க.. ஆனா இங்க செஞ்சேபுட்டாங்க..

()--((-------------------))--()

வேளச்சேரியில் அடையார் ஆனந்தபவன் பெரிதாக விஸ்தரிச்சிருக்காங்க. பழைய இடத்திலேயே பின்புறம் மிகப்பெரியதாக மாற்றியமைச்சிருக்காங்க. 30 மேஜைகள் இருக்கு. ஒவ்வொன்றிற்கும் அழகாக, வசதியாக 4 இருக்கைகள். சுயசேவை தான். அதுமட்டுமில்லாம, வழக்கம் போலவே இனிப்பு, சாட் வகைகளும் புதிதாக பஃபேயும் ,ஏசி ஹாலும் அறிமுகப்படுத்தியிருக்காங்க. அட இசைக்கச்சேரி எல்லாம் நடக்குதுங்க உள்ள. சாப்பாடு அங்க நல்லாயிருக்குமேன்னு, நம்ம்ம்பி கடந்த சனிக்கிழமை போனேன். நல்ல விரிவான பார்கிங், ஆம்பியன்ஸ் எல்லாம் நல்லாத்தான் இருக்கு. ஆனா சர்வீஸ் சுத்த மோசம். சுயசேவையென்பதால் முதலில் பில் போடறதுக்கே குறைந்தது 15 நிமிடங்கள் ஆகுது. பின்னர் உணவு ஐட்டம் வாங்க குறைந்தது 30 நிமிடங்கள் ஆகுது. அதுக்கும் மேல, அந்த சஃபாரி சூட் போட்ட ஆட்கள், சூப்பர்வைசர்ன்னு நினைக்கிறேன், அவங்க செய்யற அலும்பு தாங்கல.. ஒரு சர்வர்கிட்ட இருக்கற தண்மை கூட அந்த சஃபாரிக்களிடம் இல்லை.. போதும்டா சாமி. நீங்களும் உங்க சாப்பாடும். நீங்களே வைச்சிக்கோங்க.

()--((-------------------))--()

October 6:

அதிக முறை திருமணம் செய்து சாதணைப் படைத்த எலிசபெத் டெய்லர் கடைசியாக திருமணம் செய்தது Oct 6, 1991
ரயில் பிரேக்கினை வடிவமைத்த ஜார்ஜ் வெஸ்டிங்ஹவுஸ் 1846ல் பிறந்தார்.
இன்றைய சினிமாவின் பிதாமகன் “தாமஸ் ஆல்வா எடிசன்” அக் 6, 1889ல் முதல்முறையாக Motion Picturesஐத் திரையிட்டார்.
1927ல் முதன்முறையாக சவுண்ட் டிராக்குடன் கூடிய முதல் திரைப்படம் “The Jazz Singer" திரையிடப்பட்டது.

()--((-------------------))--()

Notable Quote:

So do what you want to do and be who you want to be
Go to the end of the earth and I'll try to follow
Say what you want to say and see who you want to see
I'll always be there if you want my love tomorrow
- Also Nova, Can't Stop Lovin You

()--((-------------------))--()

இப்போதைக்கு அம்புட்டு தான்.. “Smile.. Tomorrow will be worse..” சந்தோஷமா இருங்க.. படிச்சி, பிடிச்சி இருந்தா 2 வார்த்தை நல்லதா சொல்லுங்க.. பிடிக்கலைனா 4 வார்த்தை திட்டுங்க.. எதுவாயிருந்தாலும் கமெண்டுங்க.. முடிஞ்சா ஓட்டும் போடுங்க.. மீண்டும் சந்திப்போம்..

நீயா?? நானா?? -- சம்பிரதாயமா?? மார்டனிசமா??

2010-10-04T15:25:00.000+05:30

மறுஒளிபரப்பில் “நீயா? நானா?”.. “திருமணம் பற்றி பெற்றோர் மற்றும் இன்றைய தலைமுறையின் எதிர்பார்ப்புகள்” இது தலைப்பு..

அதில் தாலி கட்டிக்கொள்வது பற்றி பேச்சு வந்த போது ஒரு பெண், தான் தாலி கட்டிக்கொள்வதை எதிர்க்கிறேன் எனவும். அவரைப் பொறுத்தவரை தாலி என்பது just a metal தான் எனவும் சொன்னார்.. register office போய் கல்யாணத்தை register செய்துக்கறேன்.. அத விட்டுட்டு, இந்த தாலி, அருந்ததி, மெட்டி இதெல்லாம் என்னைப்பொறுத்தவரை வேஸ்ட், அர்த்தமற்றது என்று தன் கருத்தைக் கூறினார்.. ஒரே ஆறுதல், “என்னைப்பொறுத்தவரை அது just a metal. ஆனால், மாமியார் கட்டாயப்படுத்தினால் தாலி அணிந்துகொள்வேன்” என்று சொன்னார்.. (இங்க ஒன்னு கவணிக்கனும்.. கணவனின் கருத்து என்ன என்பதைப் பற்றி யாருமே யோசிக்கலை)

திருமணத்தை ரெஜிஸ்டர் செய்யவேண்டும் என்பது அரசின் விதிமுறை. இப்படி ரிஜிஸ்டர் செய்வதால் நிறைய நன்மைகள் உள்ளது.. வெளிநாடுகளுக்கு செல்ல விசா எடுக்கும் போது இது போல ரெஜிஸ்டர் செய்திருப்பது அவசியமாக உள்ளது.. திருமணத்தை ரெஜிஸ்டர் செய்வதில் எப்படி ஒரு அர்த்தம் இருக்கிறதோ அது போல நமது சம்பிரதாயங்களிலும் ஒரு அர்த்தம் இருக்கத்தானே செய்யும்?? அர்த்தமற்ற விஷயங்களை இப்படி வழி வழியாக ஒரு இனம் பின் பற்றி வருமா??

அதே நிகழ்ச்சியில், பட்டுப்புடவைப் பற்றிய பேச்சு வந்த போது, ஒரு பிரபல நிறுவனத்திலிருந்து சாம்பிள் புடவைகள் காட்டினார்கள்.. அவையனைத்தும் 20000 ரூபாய்க்கும் மேல் விலையுள்ளது.. அது பற்றி கோபிநாத் கேட்க, அதே பெண், அது தனக்கு பிடித்திருப்பதாக கூறினார். இவ்வளவு விலையா இருக்கேன்னு மீண்டும் கோபிநாத் கேட்க, “எப்படியும் மாமியார் வீட்டில தான வாங்க போறாங்க”ன்னு அந்த பெண் பதிலளித்தார்.. ஆக, திருமணப் புடவை மாப்பிள்ளை வீட்டில் வாங்க வேண்டுமென்ற சம்பிரதாயம் இவருக்கு வேண்டும்.. அதே திருமணத்தில் தாலி கட்டுவது Just a metal விஷயம்..

“அலுவலகம் போகும் பெண்கள் குறிப்பாக தொலைக்காட்சியில் செய்தி வாசிக்கும் பெண்கள், தாலியை மறைத்துக்கொள்கிறார்களே அது ஏன்?? அதற்கு அணியாமலே இருக்கலாம் என நாங்கள் சொல்வது மேல்” என்றெல்லாம் அந்த பெண் பேசிக்கொண்டே சென்றார். ஒருவர், தாலி அணிவதால் அந்த பெண்ணுக்கு பாதுகாப்பு என விளக்கினார். ஆனால் அவரது பேச்சு எடுபடவில்லை.. அல்லது அது சென்ஷேனலகாக இல்லை என எடிட் செய்துவிட்டார்களோ என்னவோ..

இவர்கள் மட்டுமல்ல, இன்றைய இளைஞர்கள் அனேகம் பேர் மிகுந்த குழப்பத்தில் இருக்கின்றனர்.. குழப்பத்தில் இருப்பது அவர்களுக்கே தெரிவதில்லை என்பது தான் வேதணை. சடங்குகளையும் சம்பிரதாயங்களையும் பெண்ணடிமைத்தனத்திற்கு சமமாக நினைக்கிறார்கள். நலுங்கு, தாரைவார்த்தல் போன்றவை அர்த்தமற்றதல்லவே.. வரதட்சனை மறுப்பு, கலப்புத் திருமணம், வீணான வெட்டி ஆடம்பரச் செலவுகளைத் தவிர்த்தல் போன்ற இன்றைய இளைய தலைமுறையின் கோட்பாடுகளை நான் மிகவும் மதிக்கிறேன். யாரும் இன்றைய சூழலில் தாலி அணிந்துக்கொள்வதை கட்டாயப்படுத்துவதில்லை என்றே நினைக்கிறேன்.. மேலும் தாலி என்பது மதம் சார்ந்ததுவும் இல்லை என்பதே என் எண்ணம். தமிழ்நாட்டில் நிறைய கிறித்தவர்களும் தாலி அணிவதை நான் பார்த்திருக்கிறேன்..

ஒரு வேளை எனக்கு வயதாகிவிட்டதோ??

இல்லை.. இல்லை.. நான் யூத்து.. யூத்து.. யூத்து..

ராஜராஜனும் பாபர் மசூதியும்..

2010-09-30T11:00:00.006+05:30

சென்ற வாரம் பார் போற்றும் “பெரிய கோயில்” என்றும் “பிரகதீஸ்வரர் கோயில்” என்றும் அழைக்கப்படும் தஞ்சைப் பெருவுடையார் கோயிலின் 1000வது ஆண்டு நிறைவு விழா மிகச் சிறப்பாகத் தமிழக அரசினால் கொண்டாடப்பட்டது.

இன்றைய பரபரக்கும் வாழ்க்கைச் சூழலில், இரண்டு தலைமுறைக்கு முன் வாழ்ந்த நம் தாத்தாவின் அப்பா பெயரே நமக்கு தெரியாமல் வாழும் அவல நிலையில் நாம் இருக்கிறோம். (அண்ணன் அப்துல்லா போன்ற மிகச் சிலரே இதில் விதிவிலக்கு.) நமக்கு அடுத்தடுத்து வரும் தலைமுறை தன் தாத்தா பெயரையே நினைவில் வைத்திருக்குமா என்பது ஐயமே.. அப்படியிருக்க, 1000 ஆண்டுகள் முன் வாழ்ந்த ஒரு மன்னனையும் அவனது சாதனைகளையும் அவன் கட்டிய ஒரு கோயிலையும் நாம் இன்றும் கொண்டாடுகிறோம் என்றால் அவனது சாதனையை என்னவென்று சொல்ல.

சிவச் செல்வர் ராஜராஜனின் புதல்வி, ராஜராஜன் வாழ்ந்த காலத்திலேயே புத்த மதத்தைத் தழுவி தனது பெயரையும் “மாதேவடிகள்” என மாற்றிக்கொண்டார். மாதேவடிகளுக்கு மன்னன் ராஜராஜன் கோயில் கட்டுவது வேடிக்கையாக இருந்துள்ளது.

“எழுத்துச் சித்தர்” பாலகுமாரன் தனது “உடையார்” நூலில் மாதேவடிகளின் எண்ண ஓட்டத்தை விவரிக்கையில் இவ்வாறு கூறுகிறார்..

"இறைவனுக்குக் கோயில் என்பது ஒரு வேடிக்கையான மனித விளையாட்டு. எல்லாம் வல்ல இறைவனுக்கு என்ன கோயில் கட்டிவிட முடியும். எதற்குள் அடக்கி வைக்க முடியும். இறைவன் என்ற பிரமாண்டத்தை உணர்ந்தவர், எவருக்கேனும் கோயில் கட்ட முடியுமா. அந்த பிரமாண்டம் தெரிந்தால் மூச்சடைத்து சாக வேண்டியது தான். உயிரோடு இருக்கும் வரை பிரமாண்டம் பற்றி நிச்சயம் தெரியாது. ஒரு அனுமானத்தில் தான் அந்த பிரமாண்டம் மனிதனுக்குத் தெரிய வருகிறது.

கோயிலினுடைய உயரமும் இதற்குண்டான உழைப்பும் பார்த்தால் குலை நடுக்கம் வருகிறது. இறைவன் இந்த பிரமாண்டத்தைக் கேட்கவேயில்லை. இறைவனுக்கு இது பிரமாண்டமும் இல்லை. கடவுள் பற்றிய நினைப்போடு மனிதர்கள் ஆடுகின்ற பல்வேறு நாடகங்களில் இதுவும் ஒன்று. பல்வேறு விஷயங்களில் இதுவும் ஒன்று. நான் செய்தேன் நான் செய்தேன் என்ற இறுமாப்புதான் எல்லாக் கலைவடிவமும்.

கலை வடிவங்கள் பக்தி என்ற போர்வை போர்த்திக் கொண்டு வருகின்றன. பக்தி என்பது ஒரு அவையடக்கம். அவையடக்கம் என்பது அகம்பாவம். தாசானுதாசன் என்று தனக்குத்தானே பிற காதுபட சொல்லுகின்ற பொய். தன்னையறியும் பக்குவம் வருகிறபோது அங்கு எந்த மதமும் இல்லை. எந்த சடங்கும் இல்லை. எந்த கலைவியக்தியும் இல்லை."

என்னே ஒரு சிந்தனை.. மாதேவடிகளின் எண்ண ஓட்டம் இதுவே என சாட்சி சொல்ல ஆதாரங்கள் ஏதும் இல்ல. அப்படியென்றால், இது எழுத்துச்சித்தரின் கற்பனை; எண்ணம். ராஜராஜனையும், அவனது சாதனையையும், கோயில் கட்ட எடுத்துக்கொண்ட முயற்சியையும் சிலாகித்து அற்புதமாக வடித்த எழுத்துச்சித்தர் தான் மாதேவடிகளின் எண்ண ஓட்டத்தையும் எழுதியுள்ளார்.

சரி.. இதற்கு மீண்டும் வருவோம்..

ராஜராஜன் 1000 ஆண்டுகளுக்கு முன் கட்டிய கோயிலை நாம் கொண்டாடி வரும் இதே நேரத்தில் மற்றுமொரு வரலாற்று நிகழ்வு அரங்கேறப் போகிறது. பாபர் மசூதி இடிக்கப்பட்ட இடத்தின் உரிமை யாருக்கு என அலகாபாத் உயர்நீதிமன்றம் தீர்ப்பளிக்கவுள்ளது.

சுமார் 475 ஆண்டுகளுக்கு முன்னர் முகலாய மன்னன் முதலாம் பாபர் அயோத்தியில் கட்டிய மசூதி 1992ல் இடிக்கப்பட்டது. அந்த மசூதி கட்டப்பட்டிருந்த இடம் சர்ச்சையில் உள்ளது. பாபர் மசூதி என்றழைக்கப்படும் மசூதி 1940 வரை “பிறந்த இடத்தின் மசூதி” (Masjid-i Janmastha) என்றே அழைக்கப்பட்டுவந்துள்ளது. மசூதி “ராமாவின் கோட்டை” என்றழைக்கப்படும் குன்றில் அமைந்திருந்தது. ராமர் பிறந்த இடம் இதுவெனவும், அங்கே அமைந்திருந்த ராமர் கோயிலினை இடித்துவிட்டு மசூதி கட்டப்பட்டதெனவும் இவர்களது வாதம்.

அப்படியே இருக்கட்டுமே. 400 ஆண்டுகளுக்கு முன் வாழ்ந்த மக்களின் மன நிலை, அவர்களது கலாச்சாரம், நாகரிகம் அப்படி இருந்திருக்கிறது. அவர்களது மனம் அவ்வளவே பக்குவமடைந்திருந்திருக்கிறது.. இன்றைய நாகரிகமடைந்த சமூகத்தில், பரந்த மனப்போக்குடன் ஏனைய விஷயங்களை அனுகும் இன்றைய சூழலில், அந்த கால மனிதர்கள் செய்ததையே நாமும் செய்யவேண்டுமா?? அப்படிச் செய்வோமெனில், நாம் இன்று அடைந்திருக்கும் நாகரிகத்தின் பயன் என்ன?? ராமர் கோயிலை இடித்து மசூதி கட்டப்பட்டது தவறு எனில், மசூதி இடிக்கப்பட்டதும் தவறே. ஒரு தவறுக்கு மாற்று மற்றொரு தவறாக முடியாது. யார் அறிவார், ஒரு வேளை 1940க்கு முன் அழைக்கப்பட்ட “பிறந்த இடத்தின் மசூதி” என்ற பெயர் கூட ராமரை நினைத்து பாபர் சூட்டியிருக்கலாம்.

மாதேவடிகளின் எண்ணம் போல், இறைவனுக்கு கோயில் கட்டி இறையை ஒரு இடத்தில் அடக்கி வைக்க மனிதனால் இயலுமா?? அப்படியே முயன்றாலும், இறைவன் அடங்கிவிடுவானா?? பக்தி என்பது ஒன்றின் மேலுள்ள நம்பிக்கை. அந்த நம்பிக்கை மனிதனை நல்வழிப்படுத்தவும், வாழ்வை நெறி படுத்தவுமே பயன்படவேண்டுமேயன்றி, அதே நம்பிக்கை அதீத நம்பிக்கையாகக்கூடாது. Its good to have confidence; danger to be overconfident. மதம் என்பது ஒரு வாழ்வியல் முறை. அவ்வளவே. Period.

இன்றும் தஞ்சையில் ஒரு பிள்ளையார் கோயிலின் தர்மகர்த்தா ஒரு இஸ்லாம் மதத்தவர். ஆண்டுதோறும் சிறப்பாக அக்கோயிலுக்கு விழாயெடுக்கின்றனர். தஞ்சைக்கு அடுத்துள்ள பல கோயில்களுக்கு இன்றும் இஸ்லாம் சகோதரர்கள் பணவுதவி செய்துவருகின்றனர். குழந்தைகளுக்கு உடம்பு சரியில்லை எனில் தஞ்சையிலுள்ள ஒரு தர்கா சென்று வழிபடுவது இன்றும் நடக்கிறது.

பகையொளிப்போம்..

சகோதரத்துவத்துடன் வாழ்வோம்..

நாளையத் தலைமுறைக்கு நல்வழிகாட்டுவோம்..

தஞ்சாவூர் மாலைகள்.. 28/Sep/2010

2010-09-28T11:30:00.009+05:30

இசையமைப்பாளர் திரு சந்திரபோஸ் அவர்களைப் பற்றிய செய்தி வதந்தி என தெரியவந்துள்ளதால், இங்கே அவரைப்பற்றி வந்த செய்தி நீக்கப்பட்டது..

நன்றி:: யுவகிருஷ்ணா

()--((-------------------))--()

அன்பான வாசகப் பெருமக்களே..

இந்த வாரம் உலக மக்கள் ஆவலுடன் எதிர்ப்பார்க்கும் இரு முக்கிய நிகழ்வுகள் நிகழப்போகிறது..

முதலாவது.. இன்று (28/Sep) அயோத்தி வழக்கில் தீர்ப்பு அலஹாபாத் உயர்நீதிமன்றம் சொல்வதா வேண்டாமா என சுப்ரீம் கோர்ட் விதித்துள்ள இடைக்காலத் தடை விசாரணைக்கு வருகிறது..
அடுத்து.. உலகமெங்கும் வரும் வெள்ளியன்று எந்திரன் ரிலீஸ்.. (அப்பா எந்திரன் நியூஸ் இந்த பதிவுலயும் சேர்த்தாச்சு..)

அயோத்தி வழக்கு, தஞ்சைப் பெரிய கோயில் 1000வது ஆண்டு நிறைவு விழா இரண்டும் ஒருசேர வருவதற்கு பெயர் தான் Coincidence.. அது பற்றி மிக விரைவில் பதிவொன்று வெளிவரும்.. (குருஜி கேபிள் சங்கர் சொல்லிக்குடுத்தது போல, அடுத்த பதிவுக்கு ஒரு விளம்பரம்ம்ம்ம்...)

()--((-------------------))--()

நம்மையெல்லாம் இணைத்த Google நேற்று தனது 12வது பிறந்த நாளைக் கோலாகலமாகக் கொண்டாடியது.. வாழ்த்துக்கள்.. Happy Birthday Google.. Miles to Go.. keep going..

அதன் தலைவர் தனி மடலில் எனக்கு தன் நன்றியைத் தெரிவித்துகொண்டதோடு, நம்ம தமிழ் பிளாகர்ஸ் எல்லாருக்கும் தனது நன்றிகளைத் தெரிவிக்க சொன்னாரு.. சொல்லிட்டேன்..

()--((-------------------))--()

ராஜ் டிவியில் “சினிமா தெரியுமா”ன்னு ஒரு நிகழ்ச்சி.. அதில திரையில ஒரு சினிமா ஸ்டாரோட படத்தைக் காட்டுவாங்க.. அந்த படம் கொஞ்சம் தான் தெரியும்.. நாம அது யாருன்னு கண்டுபிடிச்சி அவங்க சொல்லற நம்பருக்கு கால் செய்து சொல்லனும்.. அந்த நம்பருக்கு மொபைல் ஃபோன்ல மட்டும் தான் பேசமுடியும்.. அப்படி பேசறதுக்கு நிமிடத்திற்கு 10ரூபாய் சார்ஜ்.. சரியான விடையைச் சொன்னால் நமக்கு பரிசு.. பரிசுத் தொகை 25000ரூபாயில் ஆரம்பிக்குது.. தவறான பதில் சொன்னால் அந்த பரிசுத்தொகையை அதிகப்படுத்துவாங்க..

இது தான் விளையாட்டு மற்றும் விதிமுறைகள்.. ஆனா பாருங்க, டெலிஃபோன் லைன் ஓப்பன் செய்ய அவங்க எடுத்துக்கும் நேரம் 3 நிமிடங்கள்.. அந்த 3 நிமிடங்கள் நம்ம கால் வெய்ட்டிங்கில் இருக்கும்.. அப்படியே யாருக்காவது தப்பித்தவறி லைன் கிடைச்சாலும் அவங்க பேசறதுக்குள்ள, ஸ்டூடியோலில இவங்க “உங்க சிக்னல் சரியில்லை”ன்னு சொல்லி கட் செஞ்சிடறாங்க.. ஆக மொத்தம் இந்த விளையாடில நாம கலந்துகிட்டோம்னா நமக்கு குறைந்தது ரூபாய் 30 - 50 வரை அவுட்.. என்னதான் நடக்குதுன்னு பார்க்கலாம்ன்னு நான் லைன்லயே இருந்து பார்த்தேன்.. 180 ரூபாய் நாமம்..

()--((-------------------))--()

தத்துபித்துவம்::

There is no market for your emotions. So, never advertise your feelings. Just display your attitude..

()--((-------------------))--()

வழக்கம் போலவே ஒரு வருடம் 10ஆவது கேள்வித்தாளில் தவறான கேள்வி..

Prove: 10/2 = 0.2 இது தான் சரியான கேள்வி.. ஆனால் தவறுதலாக Prove: 2/10 = 2 என்று அச்சடிக்கப்பட்டுவிட்டது..

நம்ம குமாரு: “எவ்வளவோ செய்யறோம் இத செய்யமாட்டோமா??”

2- two; 10-ten

So, 2/10 = two/ten

Cancel "t" on either side

2/10 = wo/en

w=23; o=15; e=5 & n=14 (by alphabetic order)

2/10 = (23+15) / (5+14)

2/10 = 38 /19

therefore, 2/10 = 2

Hence proved.

நண்பனின் நண்பன் பதிவில் சுட்டது..

()--((-------------------))--()

இப்போதைக்கு அம்புட்டு தான்.. “Smile.. Tomorrow will be worse..” சந்தோஷமா இருங்க.. படிச்சி, பிடிச்சி இருந்தா 2 வார்த்தை நல்லாதா சொல்லுங்க.. பிடிக்கலைனா 4 வார்த்தை திட்டுங்க.. எதுவாயிருந்தாலும் கமெண்டுங்க.. மீண்டும் சந்திப்போம்..

கார்க்கிக்கு வாழ்த்துக்களும்... லாப்டாப் வாரண்டியும்..

2010-09-23T14:30:00.001+05:30

இன்று பிற்ந்த நாள் காணும் அன்பு நண்பன், குறும்பட சூப்பர் ஸ்டார் கார்க்கிக்கு என் மனமார்ந்த பிறந்த நாள் வாழ்த்துக்கள்.. இந்த வார விகடன்ல டிவிட் மெசேஞ் வந்திருக்கு.. அதுக்கும் வாழ்த்துக்கள்..

எப்போதும் இவரிடம் ஒரு துறுதுறுப்பு இருக்கும்.. இவரைச் சுற்றி என்த்து ஆரா (அதாங்க Enthu, Aura) குடிகொண்டிருக்கும்.. 4 வார்த்தை பேசினால் அதில் மூணேமுக்கால் வார்த்தை குறும்பு கொப்பளிக்கும்.. இப்படி தான் நான் கார்க்கியைப் பார்த்திருக்கிறேன்..

ஆனா பாவம் புள்ள நேற்று இப்படி கண்ணுல ஜலம் வச்சுண்டு நின்னான்..

என்னமோ ஏதோன்னு விசாரிச்சா.. “என்னோட லாப்டாப் பேட்டரி வேலை செய்யல.. நானும் சரி ஃபீஸ் போய்டுச்சுன்னு புதுசு மாத்தினேன்.. ஆனா புது பேட்டரி டிடெக்ட் ஆகவே மாட்டேங்குது.. கடைகாரன் உங்க லாப்டாப்ல தான் பிரச்சினை, பிறிச்சி மேஞ்சிடவான்னு கேட்கறான்”னு ஒரே அழுகை.. சரி நம்ம பையனாச்சே நம்மால முடிஞ்சா உதவலாமேன்னு பிற நண்பர்கள் மூலம் சில தகவல்களைச் சொல்லி சிரிக்கவைக்கறதுக்குள்ள நான் பட்ட பாடு இருக்கே.. அப்ப்ப்பப்பா..

சரி..

இப்படி நாளைக்கு நமக்கும், பிற நண்பர்களுக்கும் வாரண்ட்டி பிரச்சினை வந்தா என்ன செய்யறதுன்னு ரூம் போட்டு யோசிச்சேன்.. வாரண்ட்டி இருக்கா இல்லயான்னு முதல்ல செக் பண்ணனுமே.. அதுக்கு என்ன வழின்னு கண்டுபிடிச்சேன்.. யாம் பெற்ற இன்ஃபர்மேஷன் இவ்வையகமும் பெற இதோ இங்கே உங்களுக்காக.. அண்ணன் செந்தில் சொன்னது இப்போ இந்த சென் -னும் ரிப்பீட்டறேன்.. “இன்ஃபர்மேஷன் இஸ் வெல்த்”

உங்க லாப்டாப்ப குப்பற கவுத்து பார்த்தீங்கன்னா Service Tag / Warranty Tag /Warranty IDன்னு முழ நீளத்துக்கு ஒரு நம்பர் இருக்கும்.. அதை கீழே குடுக்கப்பட்டுள்ள சுட்டிகளைப் பயன்படுத்தி உங்க லாப்டாப் எந்த நிலையில இருக்குன்னு பார்த்துக்கோங்க.. (Disclaimer:: கவுக்கும் போது கவனம் தேவை.. ஒன்னுகிடக்க ஒன்னு ஆச்சின்னா, கம்பெனி பொறுப்பில்லை)

Toshiba:

http://www.csd.toshiba.com/cgi-bin/tais/support/jsp/globalEntitlement.jsp?nav=Warranty

Dell:

http://support.dell.com/support/topics/global.aspx/support/my_systems_info/details?c=us&cs=19&l=en&s=dhs&~ck=anavml

Lenova:

http://www-307.ibm.com/pc/support/site.wss/document.do?lndocid=look-warnty

Acer:

http://secure3.tx.acer.com/FindSystem/FindSystem.aspx?title=Information

Sony:

http://esupport.sony.com/US/perl/select-system.pl?DIRECTOR=DOCS

Samsung:

http://www.samsung.com/in/support/warranty/notebookWarrantyCheck.do?page=NOTEBOOK.WARRANTY.CHECK

Fujitsu:

http://support.ts.fujitsu.com/com/support/warranty/product_warranty.html

HP Pavilion:

http://h10025.www1.hp.com/ewfrf/wc/weInput?lc=en&dlc=en&cc=us&lang=en&product=330196

Panasonic:

https://www2.panasonic.com/webapp/wcs/stores/servlet/TCCStandardWarranty?langId=-1&storeId=15001

மீண்டும் ஒருக்கா நண்பன் கார்க்கிக்கு பிறந்த வாழ்த்துக்களைச் சொல்லிக்கறேன்..

வாழ்த்துக்கள் நண்பா..

தஞ்சாவூர் மாலைகள்.. 21/Sep/2010

2010-09-21T11:00:00.001+05:30

கடந்த சில வாரங்களாக அலுவல் & சொந்த வேலை நிமித்தமாக அங்குமிங்கும் அலைந்துகொண்டிருந்ததால் தஞ்சாவூர் மாலைகளைக் கோர்க்க முடியாமல் போய்விட்டது.. பெருவாரியான வாசகர்கள் மொபைல் ஃபோனிலும், மெயில் அனுப்பியும் என்னாச்சி என்னாச்சின்னு கேட்டு தாங்கள் அடைந்த நிம்மதியைப் பகிர்ந்து கொண்டார்கள்.. அவர்களுக்கு ஒன்று சொல்லிக் கொல்ல ஆசைப்படுகிறேன்.. அப்படியெல்லாம் உங்களை சும்மா விட்டுடமாட்டேன்.. மீண்டும் தொடங்கியாச்சி..

()--((-------------------))--()

வர வர தியேட்டரில போய் சினிமா பார்க்கனும்னா லோன் போடனும் போல இருக்கு.. ஷாப்பிங் மால்கள் வந்தாலும் வந்திச்சி, பார்க்கிங்க்கு காசு கட்ட முடியல.. எனக்கு தெரிஞ்சி பார்க்கிங்க்கு சென்னையில கொள்ளை அடிப்பது போல வேறு எந்த ஊரிலும் இருப்பது போல தெரியல.. (பார்க்கிங்கில் மட்டும் தான் கொள்ளை அடிக்கிறாங்களான்னு கேட்டு அரசியல் பேசக் கூடாது)

எக்ஸ்பிரஸ் அவென்யூவில் 5மணி நேரம் பார்க் செய்ய 130ரூபாய் நேத்து அழுதேனுங்க.. சத்யம்ல, மாயாஜால்ல வெறும் 10ரூபா தான் என்பது இங்கு குறிப்பிடவேண்டியுள்ளது..

()--((-------------------))--()

“பழமொழி சொன்னா அனுபவிக்கனும், ஆராயக்கூடாது” - கமல், பம்மல் K சம்மந்தம் படத்தில பேசும் டயலாக்.. ஆனால் பழமொழிகள் நடைமுறையில அவ்வப்போது நடந்து விடுவதை நாம உணரலாம்.. ஏன் இப்போ இந்த பழமொழி ஆராய்ச்சின்னு கேட்கறீங்களா??

நேற்று வெளியான Times of India ல வெளியான ஒரு செய்தி..

“ஓடமும் ஒரு நாள் வண்டியில ஏறும்” பழமொழி அதுபோல இந்தியாவிலுருந்து இங்கிலாந்து போய் படிச்ச காலமெல்லாம் போய், இன்னைக்கு அங்கிருந்து இங்க வந்து படிக்கற காலம் வந்திடுச்சு..

இந்தியா வளர்கிறது..

()--((-------------------))--()

இங்கிலாந்த பத்தி பேசும் போது எப்பவோ படிச்சது / கேள்விப்பட்டது ஞாபகத்துக்கு வருது..

Class teacher once said:

"pick up the paper and fall in the dustbin!!!!"

----------

One guy to his friend:

"don't try to talk in front of my back.."

----------

a teacher, in a furious mood:

"write down your name and father of your name.."

---------

New Sales Manager to his subordinate:

"Hi.. I'm Sunder, married with two kids.."

---------

"will you hand that calender or else i'll hang myself"

---------

Physics HOD:

"my aim in life is to study my son and marry my daughter"

---------

Head Master to a indisciplined student:

"tomorrow call your parents, especially your mother and father"

---------

ultimate:::

Seeing the principal passing by, the teacher told the noisy class..

"Keep quiet, the principal has passed away"

---------

Disclaimer::சிரிச்சி கீழே விழுந்து அடிபட்டா கம்பெனி பொறுப்பல்ல..

()--((-------------------))--()

எந்திரன் பற்றி எழுதலைனா சாமி குத்தம் ஆயிடும். அந்த அளவுக்கு இவங்க அளப்பற தாங்கல..

16ஆம் தேதி தினகரன் கால் பக்க செய்தி: எந்திரனுக்கு “யூ” சர்டிபிகேட்..

முன்னல்லாம் சன் பிக்சர்ஸ் படம் வெளியானா, 10 நிமிஷத்துக்கொருமுறை 5 நிமிஷம் அந்த பட விளம்பரம் வரும்.. வெள்ளி முதல் 5 நிமிஷத்துக்கொருமுறை 10 நிமிஷம் எந்திரன் விளம்பரம் வரப்போகுது.. தியேட்டர் போய் நிம்மதியா பாப்கார்ன் சாப்பிட முடியல.. அதுல கூட எந்திரன் வந்து மிரட்டராரு..

எந்திரன் டிரெய்லரில் பார்த்த ஒரு டயலாக்::

என்னை நல்ல வழிக்கு பயன்படுத்தினா நான் நல்லது செய்வேன்.. தப்பான வழியில பயன்படுத்தினா.. (ரஜினி வாய்ஸில் சிரிப்பு)

இது ஊடகங்களுக்கும் பொருந்தும்..

()--((-------------------))--()

ரைட்டு.. இப்போதைக்கு அப்புட்டு தான்.. நான் கிளம்பறேன்..

நீங்க படிங்க.. புடிச்சி இருந்தா கமெண்டு போடுங்க.. பிடிக்கலனாலும் கமெண்டுல சொல்லுங்க..

இப்படிக்கு,

இசையரசன் இளையராஜா..

2010-09-16T16:30:00.003+05:30

இசைச் சக்கரவர்த்தியின் மகுடத்தில் மற்றுமோர் மாணிக்கம்.. பழசிராஜா திரைப்படத்திற்கு 2010ஆம் ஆண்டிற்கான சிறந்த பின்னனி இசைக்கான தேசிய விருது..

இசையின் இலக்கணத்தையே மாற்றியமைத்தவர் இளையராஜா. ஹிந்தி மற்றும் ஆங்கில பாடல் ஆதிக்கம் செய்துவந்த காலத்தில், தமிழகத்தின் ஒரு மூலையிலிருந்து வீசிய ஒரு ஒலிக்கீற்று தென்னிந்தியாவெங்கும் இசைவெள்ளத்தைத் தெளித்தது..

மைல்கல்களை தகர்த்தெறிந்த அவரது இசைப்பயணத்தில் இன்று மற்றுமோர் மைல்கல்.. BGM என்று சொல்லப்படும் பின்னனி இசைக்கு இந்த ஆண்டு முதல் தேசிய விருது வழங்கப்படுகிறது. முதல் மரியாதை நமது இசையராஜாவுக்கே..

பின்னனி இசையில் ராஜாவிற்கு நிகர் ராஜா தான்.. முன்னொரு முறை இசையமைப்பாளர் திரு.பாலாபாரதி (தலை வாசல், அமராவதி போன்ற படங்களுக்கு இசையமைத்தவர்) பேட்டி ஒன்றில் “பின்னனி இசையில் ராஜா சாரை அடிச்சிக்க ஆளே கிடையாதுங்க.. டாப் 10 பட்டியல் தயார் செய்தோம்னா முதல் பத்துமே இவர் தான் இருப்பாரு.. பதினொன்றில் இருந்து தான் மற்றவர்கள் வருவார்கள்” என்று குறிப்பிட்டார்.

இசையில் பல முயற்சிகளையும் ஆராய்ச்சிகளையும் சோதனைகளையும் செய்து புது புது பரிமாணத்தில் பொழிவதில் இவருக்கு நிகர் இவரே.. வெறும் மூன்றே சுரங்களைக் கொண்டு 1982ல் அவர் இயற்றிய இந்த பாடல் இன்றுவரை மக்கள் மனதிலிருந்து அகலவில்லையே..

“பஞ்சமுகி” என்றொரு ராகம் நமது ராகதேவனால் இயற்றப்பட்டுள்ளது.. ஆனால் இதுவரை அவர் இந்த ராகத்தினை எந்த பாடலிலும் பயன்படுத்தாமல் ரகசியமாக வைத்துள்ளார்.. இன்று வரை அவரது சிம்ஃபனி இசையும் வெளிவரவில்லை.. ஏன் ராஜா ஏன்??

திரையிசையைத்தாண்டி சுமார் 11 ஆல்பங்கள் வெளியிட்டுள்ளார்.. அவற்றில் “ரமணர் மாலை”, “திருவாசகம்”, “The Music Messiah” ஆகியவை காலத்தினால் அழியாப் பெட்டகம்.. இசை மேல் அவர்கொண்டுள்ள பக்தி அவரது ஒவ்வொரு பாடலிலும் பிரதிபலிக்கும்..

ஆன்மீகத்தின் மீது அலாதி நாட்டம் உடைய நமது ராஜா அடிக்கடி உச்சரிக்கும் வார்த்தை “தான் உண்ட உணவை தானே செறிக்கச்செய்தேன் என்று யாராவது சொல்லமுடியுமா.” அவ்வளவு நம்பிக்கை கடவுளிடத்தில்.. திருவண்ணாமலை மற்றும் ஸ்ரீரங்கம் கோயில் கோபுறங்கள் கட்டுவதற்கு தானே முழு செலவுகளையும் ஏற்றுக்கொண்டார். அதற்கு காஞ்சி பெரியவர் ராஜாவிடம் “தெய்வப்பணிகளை தனி மனிதனாகச் செய்யக் கூடாது.. அந்த கால மன்னர்கள் கூட கோயில் கட்டுவதானால், மக்களிடம் வசூல் செய்தே கட்டுமாணப்பணிகளை மேற்கொள்வர். அப்படி செய்வதன் மூலம் அவர்களையும் இப்புனித பணியில் சேர்த்துகொள்வதாகும்” எனக் கூறியுள்ளார்..

அதனால், பின்னர் திருவாசகம் இசைப்பதற்கு முழுச் செலவையும் தானே ஏற்காமல் பிறரிடன் பகிர்ந்துகொண்டார்.

இன்று ஊடகங்களில் கலக்கிகொண்டிருக்கும் பல விளம்பரங்கள் நம் இசையரசனின் பாடல்களே.. 1983ல் இயக்குனர் மணிரத்தினத்தின் முதல் படம்.. கன்னடப் பாடல்..

இதே பாடல், இன்று..

சமீபத்தில் 80களில் விகடன் இதழில் வெளியான அவரது பேட்டி..

நிருபர்: “உங்களுக்கு ராசைய்யா, இளையராஜா, ராஜா, இசைஞானி என்று பல பெயர் இருக்கு.. உங்களுக்கு பின்னாடி உங்களை எப்படி நினைவில் வச்சிக்கனும்னு நீங்க விரும்பறீங்க?”

ராஜா: “அதெல்லாம் உங்க பிரச்சினை. என் ஆசை, வந்த தடம் தெரியாமல் நான் போய் சேர்ந்திடனும்”

ராஜா சார்.. HATS OFF..

கருப்பு.. மஞ்சள்.. சிகப்பு..

2010-09-14T17:15:00.000+05:30

வண்ணங்களுக்கு தான் எத்தனை அர்த்தங்கள்?? வண்ணங்களை வைத்து எத்தனை குறியீடுகள்..

இந்த குறும்படம் என்னைக் கலவரப்படுத்த முயன்றது..

அப்துல்லா அண்ணாவும் அப்துல் கலாமும்..

2010-09-10T09:00:00.000+05:30

அப்துல் கலாம்..

இந்தியா கண்டெடுத்த முத்துக்களுள் முக்கியமான ஒருவர் பேராசிரியர் அப்துல் கலாம். (முன்னாள் குடியரசுத் தலைவர் என்பதை விட பேராசிரியர் என்று அழைப்பதையே விரும்புவதாக அவர் சொல்லி இருக்கார்) கூகுல் மேப்ஸ்ல கிட்டதட்ட 70% zoom செய்து தான் தன்னுஷ்கோடியவே கண்டுபிடிக்க வேண்டி இருக்கு.. அவ்வளவு சின்ன ஊரில பிறந்து, ராமேஸ்வரத்தில் சாதாரண அரசு பள்ளியில படிச்சி பின்னாடி நாட்டுக்கே முதல் குடிமகனா உயர்ந்தவர்.. இளைஞர்களையும் மாணவர்களையும் ஒன்று திரட்டி மாபெரும் சக்தியாக மாத்தனும்னு விவேகானந்தருக்கு அப்புறம் நம்பிய ஒரே இந்திய பிரதிநிதி..

இன்றைய இந்திய இளைஞர்கள் அனேகம் பேருக்கு கலாம் மீது இருக்கும் ஒரு கிரேஸ் எனக்கும் உண்டு.. அவர் குடியரசுத் தலைவரா செயல்பட்டது குறித்து வேறுபட்ட கருத்து இருந்தாலும் கலாம்ன்னா எனக்கும் நிறைய அபிமானம் உண்டு.. வாழ்க்கையில் ஒரு முறையேனும் அவரைப் பார்த்து அவருடன் பேச வேண்டும் என்ற ஆசை உண்டு..

இத்திருநாளில் அப்துல் கலாம் அவர்களுக்கு என் உள்ளம் நிறைந்த ரமலான் வாழ்த்துக்கள்..

அப்துல்லா அண்ணன்..

தமிழ் பதிவுலகத்தின் மூலம் நான் சந்தித்த முத்துக்களுள் முக்கியமான ஒருவர் “அண்ணன்” அப்துல்லா.. அவரை பத்தி, பத்தி பத்தியா எல்லாம் பேசி முடியாது.. முன்பின் அறிமுகமில்லாதவருக்கும் சட்டென உதவுற மனசு எல்லாருக்கும் வராது.. இவருக்கு உண்டு.. சிரித்த முகத்தை கோவப்படுத்தி கூட சிலர் பார்த்தாங்க.. ஆனா அந்த கோவத்தில கூட தன்னோட நாகரித்தையும் பண்பாட்டையும் நாசூக்கா காட்டினார்..

இவர பத்தி நான் சொல்லி தான் தெரியனும்ன்னு இல்ல.. இவர பத்தி நான் புலகாங்கிதமா பேசறது இது முதல் முறையும் இல்லை.. இங்க போய் பாருங்க..

அப்துல்லா அண்ணனுக்கு என் ரமலான் வாழ்த்துக்கள்..

இரண்டு வருஷம் முன்னாடி இதே ரமலான் நாளில் தான் நண்பர் ஜோசப் அப்துல்லா அண்ணன பத்தி முதல் முறையா சொன்னாரு.. அண்ணன இன்னைக்கி வாழ்த்துறதுல ஜோசப்பும் சேர்ந்துக்கறார்..

நண்பர்கள் அனைவருக்கும் என் உள்ளம் நிறைந்த ரமலான் வாழ்த்துக்கள்..

தஞ்சாவூர் மாலைகள் - சரம்2:மணி4

2010-08-17T12:22:00.001+05:30

இது எந்திரன் சீஸன்.. இயந்திரமாகிவிட்ட வாழ்க்கையில எந்திரன் பற்றி பேசவில்லை (அ) இடுகை வெளியிடலன்னா நாம என்ன பிரபல பதிவர் லிஸ்டில் சேர்க்க மாட்டாங்க.. (இப்போ மட்டும் உன்ன சேர்த்துட்டாங்களா - குமாரு)

எந்திரன் படப்பிடிப்பு சென்னை சிறுசேரி சிப்காட் தொழிற்பேட்டையில் நடந்துச்சி.. தொழிற்பேட்டையில் எல்லா கம்பெனிகளையும் இணைக்கும் முக்கிய சாலையில் தான் படம்பிடிச்சாங்க.. படம் பிடிக்க சாலையை முழுக்க அடைச்சி போக்குவரத்திற்கு தடைவிதிச்சிட்டாங்க.. இதுல கொடுமை என்னன்னா, யாருமே அது பற்றி கேள்வி கேட்காம சிறமப்பட்டு சுத்தி சுத்தி போனாங்க.. இந்த கொடுமைகள் ஒரு புறம் இருக்கட்டும்..

அந்த படப்பிடிப்பில் கலந்துக்க வந்த நம்ம சூப்பர் நடிகரையும் ஒலக அழகியையும் பார்க்க கூட்டம்.. சாஃப்டுவேர் மக்களும் சேர்ந்துட்டாங்க.. அதில் ஒரு “ஆர்வம்”, நம்ம சூப்பரை தன் செல் ஃபோனில் படம் எடுத்து தனது நண்பர்களுக்கு ஈமெயில் மூலமா பகிர்ந்துகிட்டார்.. அது ஒரு குத்தமாய்யா?? அடுத்த வாரமே அந்த கம்பெனியில் வேலைப் பார்க்கும் எல்லாருக்கும் ஒரு சர்க்குலர் மெயில்.. அதில் “எண்டர்டெயின்மெண்ட் சாம்ராட்” சன் பிக்சர்ஸ் மற்றும் “உலக டைரக்டர்” சங்கர் கிட்ட இருந்து இந்த மாதிரி இந்த மாதிரி உங்க கம்பெனி ஆளு நாங்க படம் பிடிச்சதை படம் பிடிச்சிட்டாரு.. அது எங்க வேலை திருடறதுக்கு சமம்.. அந்த மெயில் அனுப்பற வேலையை நிறுத்திக்கோங்க.. இல்லாங்காட்டி நாங்க ஆக்‌ஷன் எடுப்போம்ன்னு டெரரா ஒரு கடிதம்..

ஏனுங்க, நீங்க ஒலக படம் எடுக்கும் போது இந்த பச்ச புள்ள என்ன சைடுல திருட்டுத் தனமா படம்பிடிச்சி திருட்டு வீடியோவா போடப்போகுது.. ஆசை பட்டு சூப்பரை படம் எடுத்துட்டாரு.. அவ்வளவு முடை பட்டுக்கறதுக்கு வீக் எண்டுல படம் பிடிக்க வேண்டியது தானே?? உங்களால எங்களுக்கு தான் இடைஞ்சல்.. நாங்க உங்களுக்கு இடைஞ்சலா??
எல்லாம் நேரம் தான்..

குமாரு:: டேய் நீ தலய பத்தி தப்பா பேசிட்டியா?? அதும் சாம்ராட் பத்தி வேற பேசறியா?? இருடி இன்னைக்கு உனக்கு ஆட்டோ தான்..

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தஞ்சாவூர் மாலைகள்:

இன்று நாம் அனேகமாக எல்லா இடங்களிலும் Suggestion & Comments புத்தகத்தை பார்க்க முடிகிறது.. பதிவர்களுக்கு பெரும் ஊக்கமே நம் இடுகைகளுக்குக் கிடைக்கும் பின்னூட்டங்கள் தான்.. திரு.வேணுகோபாலன் அவர்கள், அந்த காலத்திலயே தனது கடைக்கு வரும் வாடிக்கையாளர்களிடம் கமெண்ட்ஸ் பெற்று அதனை ஆவனமாகவும் தொகுத்துள்ளார்.. இந்த கோப்பில் பற்பல அரிய ஆவணங்களைக் காண முடிகிறது..

அவரது வேலைப்பாட்டிற்கு அன்றைய பத்திரிக்கைகளில் வெளிவந்த செய்திகள்; பிரபலங்கள் அவரது கைவிணைக்கு அளித்த பாராட்டுக்கள் ஏராளமாக அவரது ஆவனத்தில் தொகுக்கப்பட்டுள்ளது..

1953ல் “தினமனி” 1953ல் “சுதேசமித்திரன்” 1954ல் “நாரதர்”

1954ல் “கல்கி” 1956ல் "The Mail"
+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தெரிஞ்சே செய்யும் விதிமீறல்களைப் பெரும்பாலும் தவிர்க்க நான் முயன்று வருகிறேன்.. எந்த ஒரு ரயில் ஸ்டேஷனில் நான் பிலாட்ஃபார்ம் டிக்கெட் எடுப்பது அதில ஒன்னு. (கல்லூரியில் படிக்கும் போது அடித்த கூத்துகள் இதில் சேராது).. போன வெள்ளி கிண்டி ரயில்வே ஸ்டேஷன் போனேன். வழக்கம் போல், பிளாட்ஃபார்ம் டிக்கேட் எடுக்க கவுண்டரில் கேட்டதுக்கு அங்கிருந்த அதிகாரி, பிளாட்ஃபார்ம் டிக்கெட் ஸ்டாக் இல்லைன்னு சொன்னார். இது என்னங்க பதில்? டிக்கேட் செக்கர் கேட்டா நான் என்ன சொல்லறதுன்னு கேட்டதுக்கு அவர், “தம்பி, ஸ்டாக் இல்ல.. நாம் என்ன செய்யட்டும்? வேணும்னா 4ரூபா டிக்கெட் வாங்கிக்கோங்க”ன்னார்.. என்ன கொடுமை சார் இது??

டிக்கெட் ஸ்டாக் இல்லாமல் ஒரு ஸ்டேஷன் இருக்குமா??
டிக்கெட் ஸ்டாக் இல்லன்னா அதுக்கு பயணி / விடைகொடுப்பவர் பொறுப்பாக முடியுமா??
டிக்கெட் ஸ்டாக் இல்லைன்னா நாம் ஒரு ரூபாய் அதிகம் குடுத்து வேறு டிக்கெட் எடுக்கனுமா??

கடைசியில் 4ரூபா டிக்கெட் எடுத்து தான் நான் ஸ்டேஷனுள் சென்றேன்..

(குமாரு:: ஒரு 4 ருபா குடுத்ததுக்கு என்னா பில்டப் குடுக்கற நீ???)

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தோற்க்கத்தான் ஆசைபடுவேன்
வெற்றியை நீ பெற..

காயப்படத்தான் விரும்புவேன்
காயப்படாமல் நீ இருக்க..

(குமாரு:: ஐயோ சாமி.. இந்த கொசுத் தொல்லை தாங்கலடா.. அடிச்சி விரட்டுங்கடா)
+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

டவுட்டு:

நம்மூர்ல, இங்கிலீஸில மொக்கை போடற பசங்கள “பீட்டர் பார்ட்டி”ன்னு சொல்லுறோமே, அது போல இங்கிலாந்துல தமிழ்ல பேசி பந்தா செய்யும் பசங்கள, “குப்புசாமி / முனுசாமி பார்ட்டி”ன்னு சொல்லுவாங்களா??

(குமாரு:: இன்னும் நீ அடங்கலியா??)

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

சிலர் பேசும் போது ஒரு கெத்தோட பேசுவாங்க..

இப்படித் தான் என்னுடன் வேலை செய்த நண்பர் ஒருத்தர் இங்கிலீஸில் பொலந்துகட்டுவாரு.. ஒரு விஷயம், அத்துடன் நிறுத்திக்கோன்னு சொல்லறது அவரு சொல்ல வந்ததைச் சொல்லி முடிச்சிட்டு “பீரியட்” அப்படின்னு சொல்லுவாரு.. (PERIOD - அப்படின்னா Full stop ன்னு அர்த்தமாமா). “இன்னும் 2/3 நிமிடத்தில்” இப்படி சொல்ல, “இன் அனதர் 120/180 செக்கண்ட்ஸ்” ன்னு சொல்லுவாரு (in another 120 /180 secs).. இப்படி நிறைய..

நானும் ஒரு கெத்தா இருக்கட்டுமேன்னு இன்னைக்கு குமாரு கிட்ட, நீ ஒன்னு ரெண்டுன்னு 120 எண்ணு அதுக்குள்ள நான் அங்க இருப்பேன் அப்படின்னு சென்னேன்.. 2ஆவது நொடி கூப்பிட்டான்.. என்னடான்னு கேட்டா, 1, 2, 0 எண்ணிட்டேன் அப்படின்னு சொல்லறான்.. ஹ்ம்ம்ம் நம்ம கெத்து எவனுக்கும் புரிய மாட்டேங்குது..

(குமாரு:: என்னய ஏண்டா வம்பிளுக்கற??)

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

ரைட்டு.. இப்போதைக்கு அவ்வளவு தான்.. படிச்சிட்டு கமெண்டுங்க.. ஒரு எழுத்தாளன வளர்த்த புண்ணியம் உங்களுக்கு சேரும்..
+++++++++++++++++++++++++++++++++++++++++++++++++++++++++++++++++++++++++++++++++++++++++++++++++

கை தானம் செய்யலாம் வாங்க!!

2010-08-11T16:55:00.001+05:30

தானங்களில் சிறந்தது அன்னதானம் என்று பொதுவாக சொல்வது உண்டு..
பலரது வாழ்க்கை பற்பலரது ரத்த தானத்தினால் பிழைத்துள்ளது.. கண்ணப்ப நாயனார் குடுத்த ஐடியாவைப் பின்பற்றி மருத்துவ நிபுனர்கள் கண் மாற்று அறுவை சிகிச்சையின் மூலம் பலரது கண்களுக்கு ஒளி ஏற்றி வைத்தனர். பின்னர் நடந்த மருத்துவ புறட்சியினால் இன்று கண் மட்டுமல்ல, சிறுநீரகம், நுரையீரல் முதல் இருதயம் வரை அறுவை சிகிச்சையின் மூலம் மாற்று உறுப்புகள் பொருத்தி சிகிச்சையளிக்கப்படுகிறது.

விபத்து அல்லது நோயினால் பாதிப்பட்டு மூலைச் சாவு நிலையை அடைந்தோரின் உறுப்புகள் தானம் செய்யும் விழிப்புணர்வு சமீப காலமாக வளர்ந்துவருவது வரவேற்கத்தக்கது..

மதுரை அப்போலோ மருத்துவணையில் எலும்பு மாற்று அறுவைசிகிச்சை பிரிவில் கண்ஸல்டண்டாக உள்ள டாக்டர் டெரன்ஸ் ஜோஸ் ஜெரோம் வியப்பூட்டும் தகவல் ஒன்றைத் தருகிறார்..

பிற உறுப்புகளைப் போல் “கை”களையும் தானம் செய்ய முடியுமெனவும், உலக அளவில் இது வரை 50 பேருக்கு இது போல் மாற்று கைகள் பொருத்தப்பட்டுள்ளதாவும் கூறுகிறார். இது அமேரிக்கா மற்றும் ஐரோப்பிய நாடுகளில் நடந்துள்ளது.. ”மைக்ரோ சர்ஜரி” என்னும் தொழில்நுட்பம் மூலம் இது சாத்தியமாவதாகக் கூறுகிறார்.
மகிழ்ச்சியான விஷயம், இப்போது இந்தியாவில் இந்த “மைக்ரோ சர்ஜரி” தொழில்நுட்பம் மதுரை அபோலோ மருத்துவமணையில் அறிமுகப்படுத்தப்பட்டுள்ளது.

பிறவியிலேயே, விபத்து / இயந்திரத்தில் சிக்கி மணிக்கட்டுப் பகுதியை ஒருவர் இழந்துவிட்டால் துண்டிக்கப்பட்ட கையை திரும்பவும் பொருத்தமுடியும். அதற்கு துண்டிக்கப்பட்ட அந்த கையை ஒரு பிளாஸ்டிக் பையில் சுற்றி ஐஸ் பெட்டிக்குள் வைத்து கொண்டு செல்ல வேண்டுமாம்..

இன்னொரு வழி “ட்ரான்ஸ்பிளாண்டேஷன்”.. அதாவது, தானமாகக் கைகளைப் பெற்று “மைக்ரோ சர்ஜரி” மூலம் பொருத்துவது. ரத்தம், சிறுநீரகம் போல மூளைச் சாவு அடைந்தோரின் கைகளைத் தானமாகப் பெற்று தேவைப்படுவோருக்கு பொருத்தலாம்.

டிஸ்கி 1:
டாக்டர் டெரன்ஸ் என் நண்பர், என்னுடன் படித்தவர் என்பதில் பெருமையாக இருக்கு.. (சரி.. சரி.. அவரு படிச்சாரு.. நான் படிக்கல)
டிஸ்கி 2:
தமிழ் சினிமாவில் ஹீரோயின் கையை வில்லன் பிடித்து இழுப்பார்.. அம்முனியோட போதாத காலம், கை வில்லனோட போயிடும்.. உடனே நம்ம ஹீரோ ஓடி போயி தன் கையை வெட்டி வந்து ஹீரோயினுக்கு பொறுத்துவாரு.. இது போன்ற காட்சிகள் வருமேயானால், கம்பெனி பொறுப்பேற்காது..

தஞ்சாவூர் மாலைகள் - சரம்2:மணி3

2010-08-10T14:23:00.003+05:30

கடந்த வாரம் என்னமோ தெரியல.. வழக்கத்துக்குமாறா நல்லாவே போயிடுச்சி..
முதல் முறையா Skywalk Mall க்குப் போனேன்.. அங்க பார்க்கிங் சிஸ்டம் நல்லா இருக்கு.. நாமே டோக்கன் எடுத்துக்க ஒரு வெண்டிங் மெஷின் இருக்கு.. ஆனா அதுல நாம காசு போடத் தேவையில்லை.. நாம வண்டிய பார்க் செய்துவிட்டு நாள் முழுக்க Mall முழுக்க சுத்திட்டு வரலாம்.. வண்டிய எடுத்துட்டு வெளிய வரும் போது Toll gate இருக்கு.. அங்கனத் தான் வசூல் வேட்டை.. நல்ல சிஸ்டம்..
பொதுவா நாம சினிமா போகிறபோது அவரசத்துல இருப்போம்.. அப்பத் தான் பார்க்கிங்கல இவனுங்க தொல்லை தாங்காது.. இது நல்லாவே இருக்கு..
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தஞ்சாவூர் மாலைகள்:

இது போன்ற வேலைப்பாட்டுடன் கூடிய மாலைகள் இன்று கிடைப்பது அரிது.. திரு.வேணுகோபாலன் அவர்களுக்குப் பின் இவ்வளவு வேலைப்பாட்டுடன் அவரது மகனால் கூட செய்ய இயலவில்லை.
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

சமீபத்தில் தினசரி ஒன்றில் நடிகர் சூர்யா அடுத்து நடிச்சிகிட்டிருக்க "7ஆம் அறிவு" படம் பற்றி ஒரு செய்தி வந்திருந்தது.. அதில் சூர்யா சர்கஸ் வீரராக நடிக்கிராருன்னும் அதுக்காக அவர் சிறப்பு பயிற்சி எடுத்துக்கிட்டாருன்னும், இதில் அவரே எல்லா சீன்களயும் டூப் இல்லாம நடிச்சி இருக்காருன்னும் போட்டு இருந்துச்சி.. சூர்யா இவ்வளவு மெனக்கெட்டு பயிற்சி எடுத்துக்கிட்டு ஒவ்வொரு படத்திலயும் தன் நடிப்பை மெருகேற்றி வந்திட்டு இருக்கார். அந்த டெடிகேஷனுக்குப் பாராட்டுக்கள். வாழ்த்துக்கள்.

அதே நேரம்.. நம் இளைய தலைமுறை நடிகர்கள் இப்படி அவங்களே ரிஸ்க் எடுக்க ஆரம்பிச்சிட்டா, ஸ்டண்ட் நடிகர்கள் நிலை என்ன ஆகும்?? இப்படித் தான் முன்ன எல்லாம் ஒரு படத்துக்கு ஒரு குத்து பாட்டு இருக்கும். அதுல நடனமாட ஒரு சில பேர் இருந்தாங்க.. சில்க் ஸ்மிதா, அனுராதா, டிஸ்கோ சாந்தி, குயிலி போன்றோர்.. ஆனா, இப்பல்லாம் அந்த இடத்தை ஹீரோயின்களே நிறப்பிடறாங்க.. இது துணை நடிகர்கள், ஸ்டண்ட் ஆர்டிஸ்ட் இவங்க வயித்துல அடிக்கற மாதிரி இல்லயா??
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

நல்லவனுக்கு நல்லவன் படத்தில் வரும் “உன்னைத் தானே தஞ்சமென்று” பாடல்..

இதுல வரும் வரிகள்..

உலகம் எனக்கென்றும் விளங்காதது..
உறவே எனக்கின்று விலங்கானது..
அடடா முந்தானை சிறையானது..
இதுவே என் வாழ்வின் முறையானது..

பாறை ஒன்றின் மேலே.. ஒரு பூவாய் முளைத்தாயே.. உறவுக்கு உயிர் தந்தாயே..
நானே எனக்கு நண்பன் இல்லையே..
உன்னால் ஒரு சொந்தம் வந்தது..

இந்த வரிகள்ல, படத்தோட கருவையே சொல்லிட்டாரு கவிஞர்.. அது மட்டும் இல்ல.. மனைவியின் மகத்துவத்தைச் சொல்லி இருக்காரு..

தங்கமணிகள் வாழ்க..

(அப்பாடா.. இத சொதப்பாம சொல்ல என்ன கஷ்டப் பட வேண்டி இருக்கு)
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

நாம சில விஷயங்கள் நினைப்போம், கணக்கு போடுவோம்.. உங்களுக்கு எப்படின்னு தெரியல, நமக்கு எப்போதுமே எக்குத்தப்பாத் தான் போகும்.. ஹ்ம்ம்ம் அத விடுங்க.. இவங்க சொன்னத பாருங்க..

“இந்த உலகத்துக்கு மொத்தமா ஒரு 5 கணினி போதுமென்று நினைக்கிறேன்”
-- தாமஸ் வாட்சன், IBM Chairman, 1943.

“வீட்டில் கணினி பயன்படுத்தும் அளவுக்கு தேவை ஒன்றும் இல்லை”
-- கென் ஆல்சன், Founder Chariman of Digital Equipment Corp, 1977.

“640K ஒருவருக்கு போதுமானது”
-- பில் கேட்ஸ், 1981
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

இவாபொ:

In the battle between the rock and the stream, the stream always wins, not out of strength but of perseverance.
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

சமீபத்தில் நண்பர் வீட்டில் இருந்தேன்.. காலிங் பெல் சத்தம் கேட்கவே, யாரென எட்டிப் பார்த்தேன்.
வந்தவர்: “ஐ.பி. இருக்காரா?” (நண்பரை ஐ.பி. என்று அழைப்போம்)
நான்: “இருக்காரு.. உள்ள வாங்க..”
வந்தவர்: “பரவால்லங்க.. இருக்கட்டும். அவர கூப்பிடுங்க..”
நான் ஐ.பி. யை கூப்பிட,
ஐ.பி.: “வா மணி.. என்ன விஷயம்??”
வந்தவர்: “ஒரு கால் செய்யனும் ஐ.பி. phone கிடைக்குமா??”
ஐ.பி.: “என்ன மணி இப்படி கேட்டுட்ட?? இது உன் phone தானே.. பேசிக்க மணி..”
(“இது அவன் phoneஆ” மனதில் நினைத்துக்கொண்டேன்)
பேசி விட்டு, வந்தவர்: “ஐ.பி. வாடகை என்னைக்கு நான் வாங்கிக்க?”
ஐ.பி.: “என்ன மணி? இன்னைக்கு தேதி 20 தானே?? எப்போதும் 10 தேதி போல தானே தருவேன்..”
வந்தவர்: “சரி ஐ.பி. நான் வரேன்..”
மணி போனவுடன்..
நான்: “யாரு ஐ.பி. இது??”
ஐ.பி.: “House Owner பா..”
நான்: “Phone கேட்டாரே??”
ஐ.பி.: “ஆமா.. இது அவனோடது தான்.. ”
நான்: “அது சரி.. அதுக்குள்ள வந்து வாடகை கேட்கறாங்க??”

ஐ.பி.: “அட நீ வேற.. அவன் கேட்டது இந்த மாச வாடகை.. நாம தஞ்சாவூர்ன்னு அவனுக்கு தெரியும்.. தஞ்சாவூர் ஆளுங்கனாலே இங்க எல்லாருக்கும் கொஞ்சம் டெரர் தான்.. ”

++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

ரைட்டு.. நான் கிளம்ப நேரம் வந்திடுச்சி.. படிச்சுட்டு திட்டறதுக்கோ, மேலும் விவரங்களுக்கோ கமெண்டுங்க..

சந்திப்போம்!!

++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தஞ்சாவூர் மாலைகள் - சரம்1:மணி2

2010-08-03T00:40:00.005+05:30

கடந்த வாரம் தஞ்சாவூர் மாலைகள் தொடருக்கு அமோக ஆதரவு தந்து அதனை மாபெரும் வெற்றி பெறச் செய்த பாசக்கார மக்களுக்கு நன்றிகள்.. (குமாரு:: அடப்பாவி.. படிங்க படிங்கன்னு நீ ஒவ்வொருத்தர்ட்டயும் கெஞ்சினது எனக்கு தானே தெரியும்)

நேரிலும், அலைபேசியிலும், மின்னஞ்சல், இவ்வளவு ஏன் தந்தி எல்லாம் அனுப்பி நண்பர்கள் தந்த உற்சாகத்தில் ”தஞ்சாவூர் மாலைகள்” தொடர்கிறது.. (குமாரு:: டேய்.. உன்ன தேடி ஆட்டோ வந்ததே அத சொல்லலியா நீ)

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

தஞ்சாவூர் மாலைகள்:

திரு. வேணுகோபாலன் அவர்கள் மாலைகள் மட்டுமல்லாது சந்தணம், ஜவ்வாது, ஏலக்காய், கிராம்பு போன்றவற்றைப் பயன்படுத்தி அவரின் கற்பனைக்கு எட்டியவாரு பற்பல அலங்காரப் பொருட்களை செய்துள்ளார்..

திருமண வரவேற்பில் மணமக்கள் கைகளில் தவழும் கலைநயமிக்கச் செண்டு..

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

இன்று நாட்டில இருக்கற விலைவாசியில் ஒரு மசால் வடை என்ன விலை?? உற்பத்தி செலவு என்ன ஆகுது?? எனக்கு தெரிஞ்ச வரை, ஒரு மசால் வடை செய்ய, குறைந்தது `2 ஆகும். பொதுவாக விற்கப்படும் விலை `2.50 அல்லது `3

நாட்டு நடப்பு இப்படி இருக்கும் போது, ஒரு கடையில் அருமையான சுவையோட மசால் வடை `1 க்கு கிடைக்கிறது.. அதுவும் நம்ம சென்னையிலனா நம்ப முடியுதா?? ஆமா, சென்னை சோழிங்கநல்லூர்ல ஒரு மளிகைக் கடையில தினமும் மசால் வடை செய்து விற்கிறார்கள்.

அந்த கடைக்கார அம்மாகிட்ட எப்படிம்மா உங்களுக்கு கட்டுபடியாகுதான்னு கேட்டதுக்கு அவர் சொன்ன பதில்.. “இப்போ தான்ப்பா `1 ஆக்கினேன்.. இதுவரை 50பைசா தான் இதுக்கு விலை வச்சிருந்தேன்.. லாபமோ நஷ்டமோ வடை நல்லா இருக்குன்னு நிறைய பேர் ரெகுலரா வருவாங்க. அதனால நானும் செய்துகிட்டு இருக்கேன்”

ஹ்ஹ்ம்ம்ம்ம்ம்ம் இப்படியும் மனிதர்கள் இன்னமும் இருக்காங்க...

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

பொதுவாகவே விதிமீறல் அதிகம் நம்ம கண்ணில் படறது, சாலைகளில் தான். அப்பப்பா.. என்னமாப் படுத்தறானுங்க.. மத்தவங்களப்பத்தி கவலையே கிடையாது.. யார் எக்கேடு கெட்டு போனா எனக்கென்ன, நான் முன்ன போகனும்ங்கற நினைப்பு தான் எல்லாருக்கும்.. இவனுங்க போகிற வருகிற அவசரத்தைப் பார்த்தா, நாட்டோட தலையெழுத்தயே மாத்த ஓடிட்டு இருக்கற மாதிரி இருக்கு..

மிகவும் நெருக்கடியான வேளச்சேரி - விஜயநகர் பேருந்து நிலைய சந்திப்பு. தாம்பரம் பக்கமிருந்து விஜயநகர் வரும்போது, அந்த சந்திப்பில் வலது புறம் திரும்பவோ, U-turn எடுக்கவோ கூடாது.. இவன் என்ன செய்யறான் பாருங்க..

எத்தனை சட்டம் வந்தாலும் நம்ம ஆள அசைக்கமுடியாது..

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

இவாபொ:

வாழ்க்கைப் பிடிக்கவில்லையா, தற்கொலை செய்துக்கொள்..

ஆனால், தற்கொலை செய்துகொள்ளும் அளவிற்கு உனக்கு தைரியம் இருந்தால், வாழ்ந்தே பார்..

-- அலெக்ஸாண்டர்

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

இந்த மீடியாக்களோட ரவுசு தாங்க முடியலடா சாமி..

பொதுவாகவே இப்பல்லாம் ஒரு திரைப்படம் ரிலீஸ் ஆகப் போகுதுன்னா, ஒரு மாசம் முன்னாடியே அலப்பறைய ஆரம்பிச்சிடுறாங்க இந்த மீடியாக்கள் எல்லாம்.. அதுவும் ஒரு சில மீடியாக்கள் பற்றி சொல்லத் தேவையே இல்லை.. ஆடியோ ரிலீஸ் இப்பல்லாம் நிறைய டிவி சேனல் ஸ்டூடியோவில் தான் நடக்குது.. அப்படி இருக்கும் போது, இந்தியாவே எதிர்பார்க்கும் ஒரு படம்.. அதுவும் சூப்பர் ஸ்டார் படம்.. சொல்லத் தேவையே இல்லை..

எந்திரன் ஆடியோ ரிலீஸ்.. அதுவே ஒரு வெற்றி விழாவை விட கோலாகலமா நடந்திச்சி.. மறுநாள் தினகரன் பத்திரிக்கையில் வந்த விளம்பரம்.. ”ஆடியோ ரிலீஸ் பற்றிய செய்திகளும் படங்களும் நாளை மறுநாள் தினகரனில்”ன்னு.. இது வரை ஆடியோ ரிலீஸ் நாளை / மறுநாள் இப்படி தானே விளம்பரம் வந்துட்டு இருந்தது??? எப்போலேந்து இப்படி செய்திகளுக்கும் படங்களுக்கும் எல்லாம் விளம்பரம் குடுக்க ஆரம்பிச்சீங்க??

சரி.. அத விடுங்க..

அவங்க டிவியில அத ஒளிபரப்ப போறாங்களாம்.. அதுக்கு என்னா பில்டப்புடா சாமி..

சத்தியமா சொல்லறேன்.. முடியல..

சங்கர் ஐயா.. இப்படி மிகுந்த எதிர்பார்ப்புகளுடன், அலப்பறையோட வந்த பல படங்கள் வந்த தடம் தெரியாம ஓடிடிச்சி,., இவ்வளவு செலவு செஞ்சி எந்திரன் எடுத்திருக்கீங்க.. பார்த்து..

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

சமீபத்தில் ஒரு நாள், டீக்கடையில் நான்.. பக்கத்தில இரண்டு பேர் ரொம்ப தீவிரமா ஏதோ பேசிட்டு இருந்தாங்க..

நபர் 1: சார் இன்னைக்கு என்ன தேதி??

நான்: 28

நபர் 1: 7வது மாசம் தானே??

நான்: ஆமாங்க (என்னடா இப்படி கேட்கறாரு.. ஒரு வேளை நம்ம சோதிக்கிறாரோ)

உடனே அவரு அந்த பக்கம் திரும்பிட்டாரு..

நபர் 1: மச்சி.. இன்னைக்கு 27ஆம் தேதியாம்..

நபர் 2: ஓ அப்படியா?? நான் ஒரு 25 அல்லது 26 தான் இருக்குன்னு சந்தேகப்பட்டேன்..

இந்த பக்கம் நான்

“&%*#^@!((^&“&%*#^@!((^&”

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++

ரைட்டு.. இப்போதைக்கு நான் அப்பீட்டு.. அப்புறமா ரிப்பீட்டு..

படிச்சிட்டு, உங்க மனசுக்கு படறத சொல்லிட்டு போங்க..

சந்திப்போம்!!

தஞ்சாவூர் மாலைகள் - சரம்1:மணி1

2010-07-26T16:38:00.008+05:30

தஞ்சாவூர் என்றவுடன் நினைவுக்கு வருவது பிரம்மாண்டமான பெருவுடையார் ஆலயம்.. மேலும், டிகிரி காபி, தஞ்சாவூர் ஓவியம், தலை ஆட்டி பொம்மை மற்றும் தஞ்சாவூர் மாலைகள்..

தஞ்சாவூர் மாலை என்றே சிறப்புடன் அழைக்கப்படும் செயற்கை மாலைகள் அலங்கரிக்காத பிரபலங்களே இந்தியாவில் இல்லை என்றே சொல்லலாம்.. காந்தி, நேரு, இந்திரா, பெரியார், காமராஜர், அண்ணா, MGR, கலைஞர், கஷ்மிர் முன்னாள் இளவரசர், என்று பட்டியலிட்டுக்கொண்டே போகலாம். மகாராணி எலிசபெத் முதல், அயல் நாட்டுத்தூதுவர்கள் வரை அலங்கரித்துள்ளது தஞ்சாவூர் மாலைகள்.. இளவரசர் சார்லஸ் - டயானா திருமணத்தில் கூட தஞ்சாவூர் மாலைகளுக்கு அழைப்பு வந்திருந்தது என்றால் அதன் சிறப்பு நமக்கு புரியும்..

தஞ்சாவூர் மாலைகளை உருவாக்கியவர் அமரர் திரு. வேணுகோபால் நாயக்கர் அவர்கள்.. அவர் தம் கற்பனையில் மலர்ந்தவையே இன்று தஞ்சைக்கு ஒரு அடையாளமாக வளர்ந்துள்ளது..

சந்தணம், ஜவ்வாது, ஏலக்காய், நெட்டி, கிராம்பு, நெல், பணம், ஜரிகை என்று பற்பல பொருட்கள் கொண்டு செய்யப்படும் இம்மாலைகள் மிகுந்த வேலைப்பாடுகளுடன் மிக அழகாக இருக்கும்..

சந்தண மாலைகள்..

அன்று.. இன்று..

இந்த கைகள் தான் என்ன தவம் செய்தன

வேறுபட்ட வண்ண வண்ண, அழகிய தஞ்சாவூர் மாலைகளைப் போலவே, நான் பார்த்த, கேட்ட, படித்த, சுவைத்த, மேலும் என்னை பாதித்த அனைத்தும் இப்பகுதியில் இடம் பெறும்..

-------------------------------------------------------------------------------------------------

தஞ்சையில் இருந்து குடந்தை வரை இன்று செல்ல ஒரு வேலை..

என்ன கொடுமைங்க.. தஞ்சையிலுருந்து கிளம்பி கருந்தட்டாண்குடி தாண்டி அய்யம்பேட்டை வரை சுமார் 19கிமீ. வழி நெடுக சாலையின் இரு பக்கமும் வயல்களை அழிச்சுட்டாய்ங்க.. அங்க அங்க போர்டப் போட்டு பிளாட்டு போட்டு கூறு போட்டு வித்துட்டு இருக்காய்ங்க.. கண்ணுக்கு முன்ன இப்படி மாறுவதைப் பாக்க ரொம்பவே வேதணையா இருக்கு.. அய்யம்பேட்டை சமீபத்துல எல்லாம் ஒரு வருடம் முன்பு வரை காய்கறி, பயிர் வகைகள் விளைந்த இடம் எல்லாம் இன்னைக்கு செம்மண் அடித்துச் சமன் செய்யப்பட்டு, கூறுபோட்டுகிடக்கு.. ஏற்கனவே அங்க அங்க கல்லூரிகள் முளைச்சி இருந்திச்சி.. இப்போ எல்லாம் போச்சி..

இப்படியே போச்சின்னா, இன்னும் 50 வருடங்கள் கழித்து என்னத்த சாப்பிடபோறோம்ன்னு தெரியல..

-----------------------------------------------------------------------------------------------------------------------

தஞ்சையில் புதுசா Trafic Signal போட்டு இருக்காங்க.. அது அமைத்து 6 மாசம் ஆச்சுடான்னு யாரோ சத்தம் போடறது கேடுது.. தஞ்சை 1000 வருடம் தாண்டிய நகரம், விரிவாக்க முடியாத சிறிய சாலைகள்.. இருந்த போதிலும், மக்கள் சிகப்பு விளக்கு எரியும் போது, கோட்டைத் தாண்டாமல் ஒழுங்கா நிக்கறாங்க.. அதுல பாருங்க, இடது பக்கம் போகிற வாகணங்களுக்கு வழிவிட்டு நிக்கறாங்க..

இன்று இப்படித்தான்.. நானும் நண்பரும் சிக்னல் ரெட் எரியுதேன்னு மரியாதையா, பவ்யமா நின்னுட்டு இருந்தொம்.. மைக்கில் ஒரு குரல், ”தம்பி ஆரெஞ்சு டி.சர்ட்.. லெஃப்டுல போறவங்களுக்கு வழிவிட்டு ரைட்டுல நில்லுங்க..” நானும் நண்பரும் யார் அதுன்னு சுற்றும்முற்றும் பார்த்தோம்.. மீண்டும் மைக்கில் அதே குரல்.. “தம்பி உங்கள தான் சொல்லறேன், நீங்க எங்க சுத்தி பார்க்கறீங்க?? நகருங்க”.. அப்போ தான் புரிந்தது.. அவிங்க சொன்னது எங்களத் தான்னு.. அசடு வழிஞ்சிட்டே வண்டியத்தள்ளினோம்..

ம்ம்ம்ம்.. தஞ்சாவூர்காரங்க இன்னும் சென்னைக்கு வரல போல.. சென்னைக்காரங்க இன்னும் தஞ்சைக்கு வரல போல.. ரைட்டு.. நல்லது நடக்கட்டும்..

-----------------------------------------------------------------------------------------------------------------------

இவாபொ:

Whether you like it or not, everything that is happening at this moment is a result of the choices you have made in the past. - Deepak Chopra

-----------------------------------------------------------------------------------------------------------------------

தஞ்சை நகரில் ஒரு இண்டர்நெட் கபேயிலும் வெப் கேமரா இல்லங்க..

ஆனா பாருங்க, எல்லா கபே வாசலிலும் போர்டு வச்சி இருக்காங்க..

Browsing, Voice - Chatting, Video - Chatting, Horoscope, Email Checking, Ticket booking என்று..

இன்று காலை தஞ்சையில் பிரபலமான ஒரு நெட் செண்டருக்குச் சென்றிருந்தேன்.. ரயில் டிக்கெட் பிரிண்டு எடுக்க.. அங்கு ஒரு 16/17 வயது சிறுவன் வந்தான்.. இன்னாரு அனுப்பினாங்க.. இந்த CDல இருக்கறத 3 காபி போட்டு தரச்சொன்னாங்க.. அப்புறம் இந்த பேப்பரில் இருக்கற s/w download செஞ்சி தரச் சொன்னாங்கன்னு சொன்னான்.. அந்த பேப்பர் நம்ம கண்ணுலயா படனும்?? பட்டுத்தொலைச்சிடிச்சே.. அதுல எழுதியிருந்த அரிய s/w - Nokia PC Suit..

நம்ம நண்பர்.. நெட் செண்டர் உரிமையாளர்.. “சரி தம்பி. 1 மணி நேரம் சென்று வாங்க, ரெடியா இருக்கும்..”

அந்த சிறுவன், “எவ்வளவு அண்ணா ஆகும்??”

நம்ம நண்பர்.. “3 CD write செய்ய, 120 ரூபா.. இந்த s/w download செய்ய, 40 ரூபா.. மொத்தம் 160 ரூபா வாங்க்ட்டு வந்துடுங்க”

அந்த சிறுவன், “சரிண்ணே”

நான் “&%*#^@!((^&”

(மனசுக்குள்.. அட பாவிகளா.. 6 வருஷம் முன்ன நான் நெட் செண்டர் ஆரம்பிக்கலாமுன்னு சொன்ன போது, அதெல்லாம் இனி ஓடாதுன்னு சொன்ன என் ஆருயிர் நண்பன் மட்டும் என் கையில கிடைச்சான்.. )

-----------------------------------------------------------------------------------------------------------------------

ரைட்டு.. நமக்கு பிடிச்சத சொல்லியாச்சி..

படிச்ச நீங்களும் உங்க மனசுக்கு படறத சொல்லிட்டு போங்க..

சந்திப்போம்!!